«Мұсылман халқы деп сендік»: Қайрат Нұртастың отбасы Түркияда алаяқтардың құрбаны болды

«Мұсылман халқы деп сендік»: Қайрат Нұртастың отбасы Түркияда алаяқтардың құрбаны болды

Айдарбекова жаңадан отау құрған ұлы мен келінін ертіп, Ыстамбұлға аттанды. Олар Айнұр Тұрсынбаеваның үйінде қонақта болып қайтты. Сондай-ақ отбасы бірнеше күндік сапарда алаяқтар мен ұрылардың құрбаны болып үлгерген деп хабарлады turkystan.kz stan.kz-ке сілтеме жасап. Айтыскер ақын Айнұр Тұрсынбаева Гүлзира Айдарбековаға шапан кигізді. Мұндай сыйды жуырда өткен туған күніне орай тарту етті. Сондай-ақ жаңадан отау құрған Заңғар Нұртас пен оның келіншегіне ерекше сыйлық жасады. Одан бөлек, Ыстамбұлды аралаған Нұртас әулеті ұрыларға алданып қалған. Бұл туралы Заңғар Нұртас айтып берді. «Мұсылман халқы деп сеніп жүрсем, Ыстамбұлда таксистер сенің түріңе қарап, алдай береді екен. Алаяқтарға, ұрыларға да алданып үлгердік. Алла Тағалам үлкен сынақ берді. Жамандық, тіл-көз, бәле-жала осымен кетсін. Әр елде жаман да, жақсы да адамдар бар екеніне көзім жетті», - деді ол.