17 مىڭ رەسەيلىك قازاقستاندا ۋاقىتشا تۇرۋعا رۇقسات الدى

رەسەي فەدەراتسياسىنىڭ 16 837 ازاماتى ەلىمىزدە ۋاقىتشا تۇرۋ ءۇشىن رۇقسات الدى دەپ حابارالادى turkystan.kz.

بۇل تۋرالى ىشكى ىستەر مينيسترلىگى مالىمدەدى.

«بيىل قاڭتاردان ناۋرىزعا دەيىن رەسەيدىڭ 16 837 ازاماتى قازاقستاندا ۋاقىتشا تۇرۋعا رۇقسات الدى. رەسەيلىكتەردىڭ دەنى قىزىلوردا وبلىسىنا كەلدى. سونداي-اق الماتىعا – 2 116، بقو – 1 677 جانە قوستاناي وبلىسىنا 1 525 رەسەيلىك ورنالاستى»، – دەلىنگەن حابارلامادا.

ءىىم تاراتقان مالىمەتكە سايكەس، رەسەي فەدەراتسياسى ازاماتتارىنىڭ نەگىزگى بولىگى (8 217) ەڭبەك ەتۋ ءۇشىن كەلگەن.

ەسكە سالا كەتسەك، بۇعان دەيىن رەسەيدەن – 170، ۋكراينادان 7 ادامنىڭ قازاقستان ازاماتتىعىن الۋعا ءوتىنىش بەرگەنى ايتىلدى. ودان بولەك، رەسەيدەن كەلگەن 48 ازامات پەن 10 ۋكراينالىقتىڭ نۇر-سۇلتان قالاسىندا تۇرۋعا نيەت بىلدىرگەنى بەلگىلى بولدى.

ۇقساس جاڭالىقتار

Back to top button