ەلىمىزدە وقۋشىلاردىڭ ءبىلىم جەتىستىكتەرىنە مونيتورينگ جۇرگىزۋ باستالدى

بۇل تۋرالى بعم ءبىرىنشى ۆيتسە-ءمينيسترى شولپان كارينوۆا Facebook-تەگى پاراقشاسىندا مالىمدەدى دەپ حابارلادى turkystan.kz.

ەلىمىزدىڭ 1447 مەكتەبىندە (بۇل بارلىق مەكتەپتەردىڭ 25%-ى) وقۋشىلاردىڭ ءبىلىم جەتىستىكتەرىنە مونيتورينگ جۇرگىزۋ باستالادى. وعان 4 جانە 9-سىنىپ وقۋشىلارىنىڭ اراسىنان 112 مىڭنان استامى قاتىسادى. ول ءساۋىردىڭ 29-ىنا دەيىن جالعاسادى.

قاتىساتىن مەكتەپتەر كەزدەيسوق تاڭداۋ ادىستەمەسىمەن انىقتالدى.

«مونيتورينگ جۇرگىزۋ زاڭعا بىلتىرعى جىلى ەنگىزىلىپ، بيىل مەكتەپتەردە العاش رەت وتكىزىلەدى. مونيتورينگ مەكتەپ بازاسىندا وتەدى. وقۋشىلاردىڭ ماتەماتيكالىق، جاراتىلىستانۋ جانە وقۋ ساۋاتتىلىعى باعالانادى. وعان وقۋشىلاردى ارنايى دايىنداۋدىڭ قاجەتى جوق. مونيتورينگ سۇراقتارى وقۋ باعدارلامالارى بويىنشا ازىرلەنگەن جانە وقۋشىلاردىڭ فۋنكتسيونالدىق ساۋاتتىلىعىن انىقتاۋعا باعىتتالعان»، – دەپ اتاپ ءوتتى شولپان كارينوۆا.

ونىڭ ايتۋىنشا، ببجم – ءبىلىم ساپاسىن سىرتتاي تاۋەلسىز باعالايدى. ول وقۋشىلاردىڭ مىقتى جانە ءالسىز جاقتارىن انىقتاي وتىرىپ، ءبىلىم ساپاسىن ارتتىرۋ ماقساتىندا وقۋشىلاردىڭ بىلىمىندەگى ولقىلىقتاردى جويۋدى كوزدەيدى.

«مونيتورينگ قورىتىندىسى بويىنشا مەكتەپتەر ءۇشىن جەكە تاقىرىپتار مەن بالالارعا قيىندىق تۋعىزعان ماتەريالدار تالقىلاناتىن بولادى. ناتيجەسىندە ساپالى بىلىمگە قول جەتكىزۋ ءۇشىن ءبىلىم ساپاسىن ارتتىرۋ جولىندا ءار وڭىرگە جانە جەكەلەگەن مەكتەپتەرگە ارنالعان كەشەندى تالداۋ جۇرگىزىلىپ، ادىستەمەلىك ۇسىنىمدار ازىرلەنەدى» دەپ جازدى شولپان كارينوۆا.

ۇقساس جاڭالىقتار

Back to top button