Ресейлік әнші Филипп Киркоров Instagram желісіндегі парақшасында Украинада ұсталған украиналық оппозициялық саясаткер Виктор Медведчукты қолдайтын жазба жариялады деп хабарлады turkystan.kz.
Айта кетсек, Украина президенті Зеленский 12 сәуірде Медведчуктың әскери киімдегі, қолы кісенделген суретін жариялап, қамауға алынғанын мәлімдеді.
Кейін саясаткердің әйелі Оксана Марченко күйеуін босатуды өтініп Зеленский мен Түркия президенті Режеп Тайып Ердоғанға жүгінді.
Киркоров Марченконы қолдап, Медведчукты босатуға шақырды.
«Мен досым Оксана Марченконың бүгінгі саяси тұтқындардың өмірі мен бостандығына қатысты азаптау мен зорлық-зомбылыққа қарсы халықаралық қызметін және соңғы күндері қамаудағы досымның бостандығын қолдаймын», - деп жазды ресейлік әнші.
