Есікте зорланған 4 жасар қыздың жағдайы белгілі болды

Есікте зорланған 4 жасар қыздың жағдайы белгілі болды

Есікте зорланған 4 жасар қыздың жағдайы белгілі болды
ашық дереккөзі
Танымал құқық қорғаушы, «Немолчи.kz» қорының Дина Таңсәрі әлеуметтік желідегі парақшасында Есік қаласында зорланған сәбидің жағдайы туралы хабарлады. Анықталғандай, қыз тіпті төртке де толмаған, үш-ақ жаста болған деп хабарлады turkystan.kz Azattyq Rýhy-на сілтеме жасап. Баланың қазіргі жағдайы туралы ақпаратты ол жатқан ауруханадағы жасырын дереккөздер айтқан. Сәбидің жағдайы өте ауыр. Дәрігерлерге жеткізілген сәтте оны құтқарып қалу мүмкіндігі тым аз болған.
«Бөлімдегі бүкіл дәрігер жылады. Бала шұғыл түрде облыстық ауруханаға жеткізілді. Ол жақта дәрігерлер өлім аузында жатқан қызды ерлікпен аман алып қалды. Сәби қазір анасымен бірге палатаға шығарылды. Дәрігерлерге көп рахмет!» – деп жазады құқық қорғаушы.
Дина Таңсәрінің айтуынша, бүлдіршінді алыс туысы зорлаған. Сондай-ақ полицейлер әйелге күдіктінің қылмыс үстінде ұсталғанын, оның қатты мас күйде қан-жоса болған баланың қасында ұйықтап қалғанын айтты. Еске сала кетейік, сұмдық оқиға 14 сәуірде болған еді. Полиция департаментінің өкілдері 43 жастағы ер адамның қызды зорлағанын растады. Бұған дейін қыз төрт жаста деп хабарланған болатын. Ер адам бірнеше күннен бері баланың отбасында қонақ болып жатқан.