Ресей азаматтары Қазақстан банктерінде жаппай шот ашып жатыр

Украина мен Ресей арасында соғыс басталғалы бері БАҚ пен әлеуметтік желілерде ресейліктер мен Беларусь азаматтары Қазақстан банктерінде жаппай шот аштырып жатыр деген ақпарат тарады. Осыған байланысты Қаржы нарығын реттеу және дамыту агенттігі түсініктеме берді деп хабарлады turkystan.kz.

Агенттіктің мәліметіне сүйенсек, 24 ақпаннан бері Қазақстан банктерінде Ресей мен Белоруссияның резидент-жеке тұлғалары үшін 11 940 шот ашылған. Олардың арасында 10 725 шот өтініш берушінің немесе сенім білдірілген адамның Қазақстан банкінде жеке болуы есебінен және 1 215 шот қашықтан ашылған.

Қазір ҚР банктерінде шоты бар азаматтардың саны – 162 мыңға, ал Қазақстан банктерінде шоттары бар Ресей ұйымдарының жалпы саны 805-ке жеткен.

Бұған қоса, агенттік Ресей азаматтары ашқан жаңа шоттардың саны өскенін айтты.

Ұқсас жаңалықтар

Back to top button