Президентке және Бас прокурорға үндеу жолдаған шымкенттік полицей тағы мәлімдеме жасады (ВИДЕО)

Президентке және Бас прокурорға үндеу жолдаған шымкенттік полицей тағы мәлімдеме жасады (ВИДЕО)

Көпшілікке танымал болған шымкенттік полиция қызметкері Шымкент қалалық ЖПҚ-ның экс-басшысына қатысты тергеуді назарға алуды сұрап, үндеу жасады деп жазды turkystan.kz. Бұған дейін Бас прокурор мен жұртшылыққа ашық үндеу жолдаған шымкенттік полицей кезекті бейнежазбасын жариялады. Бейнероликте тәртіп сақшысы Шымкент қалалық ЖПҚ-ның бұрынғы басшысы Мұхтар Бұқарбаевқа қатысты тергеу әділетсіз аяқталуы мүмкін екендігін айтып, оны бақылауға алуды сұрады. «Бұхарбаевтың арызы бойынша іс Сыбайлас жемқорлыққа қарсы күрес агенттігіне жіберілді. Сыбайлас жемқорлыққа қарсы қызметтің тергеушілері осы уақытқа дейін бірқатар тергеу шараларын жүзеге асырды. Алайда, олардың айтуынша, Шымкент прокуратурасы Мұхтар Бұқарбаевты ұстауға кедергі келтіріп отыр», – деп хабарлады полицей А. Айымбетов. Полиция қызметкері мәселе бойынша сәйкесінше шара қолдануды сұрап, барлығы заңға сәйкес болуы керек деп есептейді.