Атыраулық ауылдардың бірін су басты (ВИДЕО)
Атыраулық ауылдардың бірін су басты (ВИДЕО)
Атырау облысындағы Ноғайты өзені арнасынан асып, Сағыз ауылын су басты. Жиырмадан астам үйге су басу қаупі төнді деп хабарлады turkystan.kz.
Ауыл тұрғындары түн ішінде үйлерін тастап, қауіпсіз орынға кетуге мәжбүр болған. Қазір оларды колледж бен мектепке эвакуациялау жұмыстары жүріп жатыр. Әлеуметтік желіде оқиға орнында түсірілген видеолар тарады.
Ауыл тұрғындары ақпан айынан бері өзеннің арнасынан осымен үшінші рет асып кеткенін айтады. Ал жергілікті билік жағдайдың бақылауда екеніне сендіріп отыр. Атырау облыстық ТЖД су басу қаупі төнген үйлер маңында құмнан бөгет салынғанын мәлімдеді.