Мас әйел балалар ауруханасында жанжал шығарды (ВИДЕО)

Көкшетау қаласының 32 жастағы тұрғыны 10 тәулігін темір тордың ар жағында өткізді. Ол мас халде көпбейінді облыстық балалар ауруханасы бөлімшелерінің біріне кіріп, онда әдепсіз қылық көрсетіп, қызметкерлермен төбелескен деп хабарлады turkystan.kz 716.kz-ке сілтеме жасап.

МОДБ дәрігерлеріне жасалған мұндай шабуыл бұған дейін де болған көрінеді. Медициналық мекеме директоры Серікжан Сабыралиев сол оқиғаны бөлісті.

Наурыз айының басында ауруханада балалар үйінен жіберілген 10 жасар бала емделген. Ол ауруханаға түскен күні анасы пайда болды, алайда ол ата-ана құқығынан айырылған екен.

«Әйел баланы алып кеткісі келді және оның ауруханаға жатқанын қаламады, бірақ дәрігерлер анасына емдеу жоспарын және келу тәртібін түсіндірді», – деді аурухана директоры.

Алайда бірнеше күннен кейін әйел ауруханаға мас халде қайта келген. Тыныштық сағаты кезінде режимді бұзып, ішке кірген. Видеода әйелдің медициналық мекемеде нағыз төбелес ұйымдастырып, әдепсіз сөйлеп, дәрігерлерге күш қолданғаны анық көрінген. Мұның бәрі балалар бөліміндегі науқастардың көз алдында болған.

Әйелді тыныштандыру үшін оқиға орнына полиция нарядын шақырған.

Белгілі болғандай, 2021 жылы әйел сот шешімімен ата-ана құқығынан міндеттерін тиісінше орындамағаны және алкогольге құмар болғаны үшін айырылған. Бала сот шешімімен балалар үйіне орналасқан.

Көкшетау қаласының әкімшілік құқықбұзушылық жөніндегі мамандандырылған сотының 2022 жылғы 16 наурыздағы қаулысымен Көкшетау қаласының 32 жастағы тұрғыны 10 тәулікке әкімшілік қамауға алынды.

Ұқсас жаңалықтар

Back to top button