Ерұлан Жамаубаев Премьер-министрдің орынбасары болып тағайындалды

Қаржы министрі Ерұлан Жамаубаев Премьер-министрдің орынбасары болып тағайындалды деп жазды turkystan.kz.

«Ерұлан Кенжебекұлы Жамаубаев Қазақстан Премьер-министрінің орынбасары – Қаржы министрі болып тағайындалсын. Ол Қазақстан Республикасының Қаржы министрі лауазымынан босатылсын», – делінген Президент Жарлығында.

Ерұлан Жамаубаев 1974 жылы 25 наурызда Алматы облысында дүниеге келген. Ол 1995 жылы Қазақ мемлекеттік басқару академиясын «Қаржы және кредит» мамандығы бойынша тәмамдаған. 2009 жылы Қазақ экономикалық университетін бітірген. Әр жылдары Тұрғын үй құрылыс жинақ банкінің басқарушы директоры, Президент әкімшілігі әлеуметтік-экономикалық бақылау бөлімі бастығының орынбасары, кейіннен бөлім бастығы болды. 2018-2019 жылдары Президенттің көмекшісі болып жұмыс істеді. 2019 жылғы 22 наурызда Қаржы министрлігінің жауапты хатшысы қызметіне тағайындалды. 2020 жылғы мамыр айынан бастап қаржы министрі қызметін атқарып келеді. Әлихан Смайыловтың төрт орынбасары бар. Енді олардың қатарына қаржы министрі Ерұлан Жамаубаев та қосылды. Олар: Роман Скляр – Премьер-министрдің бірінші орынбасары; Ералы Тоғжанов – Премьер-министрдің орынбасары; Мұхтар Тілеуберді – Премьер-министрдің орынбасары – сыртқы істер министрі; Бақыт Сұлтанов – Премьер-министрдің орынбасары – сауда және интеграция министрі.