تۇركىستاندا اسىل تۇقىمدى قويلار كورمەسى ءوتتى

تۇركىستان وبلىسىنىڭ سارىاعاش اۋدانىندا اۋىل شارۋاشىلىعى مينيسترلىگىنىڭ ۇيىمداستىرۋىمەن «ەتتى-ماي باعىتىنداعى حالىقارالىق اسىل تۇقىمدى قويلار» كورمەسى ءوتتى دەپ حابارلادى turkystan.kz جەرگىلىكتى وڭىرلىك كوممۋنيكاتسيالار قىزمەتىنە سىلتەمە جاساپ. 

كورمەگە رەسەي، مولدوۆا، وزبەكستان، تاجىكستان، قىرعىزستان ەلدەرىنەن كەلگەن 100-دەن اسا قوي ءوسىرۋشى ازاماتتار جانە ەلىمىزدىڭ 8 وبلىسىنان كەلگەن شارۋالار قاتىستى.

شارا شەڭبەرىندە ەتتى-مايلى قوي تۇقىمىنىڭ «ەڭ اۋىر سالماقتى»، «ەڭ بيىگى» اتالىمدارى بويىنشا بايقاۋلار ءوتتى. ناتيجەسىندە 45 نوميناتسيا بويىنشا جەڭىمپازدار انىقتالدى. سونىمەن قاتار، اشم مال شارۋاشىلىعى دەپارتامەنتىنىڭ باسشىسى ەرلان ءىلياسوۆ ۇزدىك شارۋالاردى «اۋىل شارۋاشىلىعى ۇزدىگى»، «ۇزدىك قوي ءوسىرۋشى شارۋاشىلىق» جانە «ۇزدىك اسىلداندىرۋشى» توسبەلگىلەرىمەن ماراپاتتادى. سونداي-اق، شاراعا قاتىسقان سارىاعاش اۋدانىنىڭ اكىمى مۇحيت وتارشيەۆ مۇنداي كورمە بارىسىندا جەرگىلىكتى شارۋالار ءوزارا تاجىريبە الماساتىنىن اتاپ ءوتتى.

ۇقساس جاڭالىقتار

Back to top button