بوراعان قارعا بايلانىستى ءۇش وبلىستا جولدار جابىلدى

ەلىمىزدىڭ بىرقاتار ايماقتارىندا اۋا-رايىنىڭ قولايسىزدىعىنا بايلانىستى جولدار جابىلدى دەپ جازدى turkystan.kz.

قوستاناي وبلىسى بويىنشا بۇگىن ساعات 11.30-دا «جەزقازعان – پەتروپاۆل» تاسجولىندا قاراعاندى وبلىسىنىڭ شەكاراسىنان باستاپ، ارقالىق قالاسىنا دەيىنگى جول ۋچاسكەسى (252-340 شاقىرىم) جابىلدى.

قاراعاندى وبلىسىندا ساعات 11.15-تەن باستاپ «جەزقازعان – پەتروپاۆل» تاسجولىنىڭ 65-252 شاقىرىمىنداعى ۋچاسكەسى – جەزدى اۋىلىنان باستاپ قوستاناي وبلىسىنىڭ شەكاراسىنا دەيىنگى جولدا كولىكتىڭ بارلىق تۇرلەرى ءۇشىن شەكتەۋ ەنگىزىلدى.

بۇعان قوسا، باتىس قازاقستان وبلىسىندا ساعات 11.10-نان باستاپ «ورال –تاسقالا – رەسەي فەدەراتسياسىنىڭ شەكاراسى» تاسجولىنىڭ 76-104 شاقىرىمىنداعى ۋچاسكەسى («تاسقالا – رەسەي شەكاراسى») بويىنشا كولىك قوزعالىسى جابىلدى.

جول اپاتتارىنىڭ الدىن الۋ ماقساتىندا «قازاۆتوجول» كومپانياسى جولداعى جاعدايدى تاۋلىك بويى باقىلاۋدا ۇستايتىنىن مالىمدەدى.

ماماندار توتەنشە جاعداي كەزىندە جەدەل «1403» نومىرىنە حابارلاسۋ قاجەتتىگىن ەسكەرتەدى.

ۇقساس جاڭالىقتار

Back to top button