باعدات مۋسين رەسەيدەگى InDriver قىزمەتكەرلەرىنىڭ قازاقستانعا كەلگەنىنە قۋانىشتى

«Astana hub» ستارتاپتار حالىقارالىق تەحنوپاركىنە شەتەلدىك كومپانيالاردىڭ رەلوكاتسياسى بويىنشا ءبىراز سۇراقتار تۇسۋىنە بايلانىستى، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ولاردىڭ بىرقاتارىنا جاۋاپ بەردى دەپ جازدى turkystan.kz.

«بىزگە كورشى ەلدەردەن ءىت-ماماندار كەلىپ جاتقانىنا دا بىرنەشە جىل بولدى. سونداي كومپانيالاردىڭ ءبىرى – inDriver. قىزمەتىن قازاقستاندىقتار دا پايدالاناتىن وسىنداي كوماندانىڭ كەلگەنىنە ءبىز قۋانىشتىمىز»، – دەدى مينيستر.

ايتا كەتسەك، «Astana hub» اۋەل باستان حالىقارالىق تەحنوپارك رەتىندە قۇرىلعان. الەمدىك دەڭگەيدەگى كومپانيالار مەن ماماندارعا مۇمكىندىك بەرۋ ارقىلى قازاقستان دا وزىنە ءتيىمدى جاعداي قالىپتاستىرادى. بۇل رەتتە شەتەلدىك ماماندارمەن تاجىريبە الماسۋ جانە قازاقستاندىقتار ءۇشىن جۇمىس ورنىن كوبەيتۋگە مۇمكىندىك ارتادى.

«بۇگىنگى تاڭدا حابتا 641 ءىت-كومپانيا تىركەلگەن، سونىڭ ىشىندە 70-ىندە شەتەلدىك قۇرىلتايشىلار. قازىر جاقىن شەت ەلدىڭ 468 كومپانياسى قازاقستانعا رەلوكاتسيا بويىنشا بىزدەن كەڭەس الىپ جاتىر.
نەلىكتەن شەتەلدىك كومپانيالار ءۇشىن استانا حابتى، ياعني قازاقستاندى تاڭداۋ ءتيىمدى؟ بۇل رەتتە تەحنوپاركتە قانداي جاعداي جاسالعانىن قىسقاشا ايتىپ وتەيىن:
1. ارنايى سالىق ءتارتىبى. حابتا تىركەلگەن كومپانيالار سالىق تولەمەيدى، كورپوراتيۆتىك سالىق – 0%! ءىت-كومپانيالارعا مۇنداي جەڭىلدىك 4 جىل بۇرىن جاسالعان. كورشى ەلدەر مۇنداي جەڭىلدىكتى جۋىردا عانا ەنگىزدى، ال كەيبىر ەلدەر ەندى عانا جوسپارلاپ جاتىر.
2. زاماناۋي ينفراقۇرىلىم. 20 مىڭ شارشى مەتردى ارزان باعامەن پايدالانۋعا بولادى! بۇل وفيستەر عانا ەمەس، كەزدەسۋ ورىندارى، برەينستورمينگ مەن تيمبيلدينگ وتكىزەتىن جەرلەر. ونىڭ ۇستىنە، ستارتاپتار – تەحنوپارك باعدارلامالارىنىڭ رەزيدەنتتەرى حابتا جۇمىس الاڭدارىن تەگىن پايدالانا الادى.
3. ۆيزالىق قولداۋ. ءبىزدىڭ ءىت-حابتا تىركەلگەن كومپانيالاردىڭ جۇمىسشىلارى ءۇشىن ۆيزا الۋ مەن ميگراتسيالىق پروتسەستەر جەڭىلدەتىلگەن. ءبىز تەك تىركەلۋ پروتسەسىنە عانا ەمەس، رەلوكاتسيا ماسەلەسىندە دە، ياعني، قىزمەتكەرلەردى كوشىرۋ، ءۇي-جاي تابۋ بويىنشا ۇيىمداستىرۋ جۇمىستارىنا دا كومەكتەسىپ جاتىرمىز. ال ەاەو ەلدەرىنىڭ ءىت-ماماندارىنا ەشتەڭە رەسىمدەۋدىڭ دە قاجەتى جوق، بىردەن كەلىپ، جۇمىس ىستەي بەرۋگە بولادى. تەك جسن الۋ كەرەك، ونلاين جاساۋعا بولادى نەمەسە ءبىزدىڭ ماماندار كومەكتەسەدى.
4. SEED stage كەزەڭىندە ۆەنچۋرلىق قارجىلاندىرۋ. حاب-تىڭ ءوزى ستارتاپتىڭ باستاما كەزەڭىندە 40 مىڭ دوللارعا دەيىن سالادى! ەquity كىرمەي-اق!                                                                                                      5. ۆەنچۋرلىق قارجىعا قولجەتىمدىلىك بولماسا، ءبىزدىڭ يندۋسترياداعى حاب دەگەننىڭ ءمانى بولمايدى. ينۆەستيتسيا قۇيۋعا تۇرارلىق ستارتاپتاردى تابۋ ماقساتىندا ءتۇرلى ءىس-شارالاردى ءجيى وتكىزەمىز! ءبىزدىڭ سەرىكتەسىمىز VC جىل سايىن قىزىقتى ستارتاپتارعا 100 ملن دوللارعا دەيىن بولۋگە دايىن.
6. اكسەلەراتسيا كۋرستارىنا تەگىن قاتىسۋعا بولادى. بارلىق كوماندالار  اكسەلەراتسيا بويىنشا كۋرستاردان وتكەن. بيزنەسىن دامىتقىسى كەلەتىن جاس ستارتاپەرلەرگە الەمنىڭ كاسىبي مەنتورلارى كەڭەس بەرىپ، وقىتىپ، باعىت-باعدار سىلتەيدى.
7. مەملەكەت تاراپىنان جەكەمەنشىك يننوۆاتسيالىق ءىت-مەكتەپتەرگە سۇرانىس بار. ياعني ءىت-ماماندىعىن يگەرگىسى كەلەتىن كەز-كەلگەن ادام TechOrda باعدارلاماسى بويىنشا ءىت-ۆاۋچەرگە قول جەتكىزە الادى. جانە ءىت-ۆاۋچەر كەز-كەلگەن ءىت-مەكتەپتە جارامدى.
8. ەلگە كەلمەي-اق، زاڭدى تۇلعانى تىركەۋگە بولادى! eGOV ارقىلى. جسن مەن ەتسق-نى قازاقستان ەلشىلىگى بەرەدى. وسىلايشا ءبىزدىڭ ەلدە كاسىبىڭىزدى وڭاي ءارى تەز باستاۋعا بولادى! ونىڭ ۇستىنە، بيىلدان باستاپ باسشىنى وزگەرتۋگە قاتىستى ماسەلە دە ونلاين شەشىلەدى. باسقا ەلدەردە مۇنداي مۇمكىندىك جوق!
9. قازاقستاندا ءىت-بيزنەستى ىسكە قوسۋ جانە رەلوكاتسيا ماسەلەلەرى بويىنشا تەلەگرامدا ارنايى چات اشتىق  – https://t.me/+uwNsTKMdI7oyZTUy. 3 مىڭنان استام قاتىسۋشىسى بار چاتتا حابتاعى ارىپتەستەرىممەن بىرگە  ءتۇرلى ساۋالدارعا جاۋاپ بەرۋدەمىز.
10. قازاقستان – جۇزدەن استام ۇلت پەن ۇلىس تۇرىپ جاتقان قوناقجاي ەل. ءبىزدىڭ ەلدىڭ يگىلىگى ءۇشىن ەڭبەكتەنىپ، دامۋىنا ۇلەس قوساتىن كىسىلەرگە ەسىگىمىز اشىق.
11. ءبىزدىڭ ەلدە ەڭبەكتەنىپ، زاڭدى تۇلعا اشقىسى كەلەتىندەر ءۇشىن استانا حابتىڭ ماماندارى ارنايى نۇسقاۋلىق ازىرلەدى: https://astanahub.com/l/welcome-page-all» دەپ جازدى باعدات مۋسين.

تاعى وقي وتىرىڭىزدار: رەسەيدەگى InDriver قىزمەتكەرلەرى قازاقستانعا كوشىپ كەلەدى

ۇقساس جاڭالىقتار

Back to top button