Украинада қоршауда қалған қалалардың күл-талқаны шықты

Украина Ресейдің «арандату әрекеттеріне» байланысты өз қалаларынан гуманитарлық дәліздерді ашпайтынын мәлімдеді деп хабарлады turkystan.kz. Ресей әскерлері қоршап алған кейбір қалалардан бейбіт тұрғындарға шығуға мүмкіндік беретін дәліздер жасалды. Ал Мариуполь мэрі қоршауда қалған қаланың толығымен қирау алдында тұрғанын және ондағы адамдарды толығымен эвакуациялау керектігін айтты. Президент Владимир Зеленский Украина бітімгершілік келісімінің бір бөлігі ретінде бейтарап статусты қабылдауды талқылауға дайын екенін айтты. Бірақ, ол референдумға өтіп, үшінші тараптардың кепілдігі болуы керек екенін жеткізді. Бұдан бұрын Зеленский ресейлік БАҚ-қа берген сұхбатында кескілескен ұрыстар жүрген Мариуполь, Волноваха мен Киевтің айналасындағы шағын қалалар жермен-жексен болғанын, енді олар жоқ екенін айтқан еді.