باس پروكۋراتۋرا قازاقستاندىقتارعا ەسكەرتۋ جاسادى

قر باس پروكۋرورىنىڭ ورىنباسارى ب. دەمباەۆ قازاقستاندىقتارعا ۇندەۋ جاريالادى دەپ حابارلادى turkystan.kz.

نازارلارىڭىزعا ۇندەۋدىڭ تولىق ءماتىنىن ۇسىنامىز:

2022 جىلدىڭ اقپان ايىنان باستاپ بۇقارالىق اقپارات قۇرالدارى مەن الەۋمەتتىك جەلىلەردە رەسەي فەدەراتسياسى مەن ۋكراينا اراسىنداعى قاقتىعىسقا قاتىستى ماتەريالدار (جاريالانىمدار، بەينەسيۋجەتتەر، حابارلامالار، پىكىرلەر) بەلسەندى جاريالانۋدا.

بۇل رەتتە ولاردىڭ ىشىنەن جەكەلەگەندەرى قازاقستان ازاماتتارىن وسى جانجالعا قاتىسۋعا شاقىرۋلارمەن، ۇلتتىق ارازدىقتى قوزدىرۋ، ەكى تاراپتىڭ دا ازاماتتارىنىڭ ۇلتتىق ار-نامىسى مەن قادىر-قاسيەتىن قورلاۋ بەلگىلەرى بار قاساقانا ارانداتۋشىلىق مالىمدەمەلەرمەن جانە جالعان اقپاراتپەن سۇيەمەلدەنەدى.

بۇدان بولەك، الەۋمەتتىك جەلىلەردىڭ كەيبىر پايدالانۋشىلارى، سونىڭ ىشىندە قازاقستان ازاماتتارىنىڭ اراسىنان بولىپ جاتقان وقيعالارعا جاريا تۇردە تۇسىندىرمە بەرە وتىرىپ، ولارعا ەلىمىزدىڭ اۋماعىنىڭ تۇتاستىعىنا قاتىستى سەپاراتيستىك ۇندەۋلەردى ورنالاستىرۋدا.

​بۇل ارەكەتتەرگە قازاقستان كونستيتۋتسياسىمەن، ءبىزدىڭ ەلىمىز قاتىسۋشى رەتىندە جالپىعا تانىلعان حالىقارالىق-قۇقىقتىق قۇجاتتارمەن تىيىم سالىنعان.

قوعامدىق قاۋىپسىزدىكتى قامتاماسىز ەتۋ، ازاماتتاردىڭ قۇقىقتارى مەن بوستاندىقتارىن قورعاۋ، قوعامدىق-ساياسي جاعدايدىڭ تۇراقسىزدانۋىنا جول بەرمەۋ ماقساتىندا بۇقارالىق اقپارات قۇرالدارى مەن الەۋمەتتىك جەلىلەردە وسىنداي ارانداتۋشىلىق سوزدەر مەن شاقىرۋلارعا بەرىلمەۋگە شاقىرامىز.

قازاقستان ازاماتىنىڭ شەت مەملەكەت اۋماعىنداعى سوعىس قيمىلدارىنا قاساقانا قۇقىققا قايشى قاتىسۋى، سول سياقتى ۇلتتىق الاۋىزدىقتى قوزدىرۋعا باعىتتالعان قاساقانا ءىس-ارەكەتتەر، بۇقارالىق اقپارات قۇرالدارىن نەمەسە تەلەكوممۋنيكاتسيا جەلىلەرىن پايدالانا وتىرىپ، قازاقستاننىڭ تۇتاستىعىن، ونىڭ اۋماعىنا قول سۇعىلماۋىن جانە بولىنبەۋىن بۇزۋعا جاريا تۇردە شاقىرۋ قىلمىستىق جازالاناتىن ارەكەتتەرگە جاتادى  (قك-ءنىڭ 172، 174، 180-باپتارى) جانە 10 جىلعا دەيىن باس بوستاندىعىنان ايىرۋعا اكەپ سوقتىراتىنىن تۇسىندىرەمىز.

سونىمەن قاتار، قازاقستان رەسپۋبليكاسى قىلمىستىق كودەكسىنىڭ 274-بابىنا سايكەس قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە، ونىڭ ىشىندە بۇقارالىق اقپارات قۇرالدارىن نەمەسە تەلەكوممۋنيكاتسيا جەلىلەرىن پايدالانا وتىرىپ، ەلەۋلى زيان كەلتىرۋ قاۋپىن تۋعىزاتىن  جالعان اقپارات تاراتقان ءۇشىن جەتى جىلعا دەيىن باس بوستاندىعىنان ايىرۋ كوزدەلگەنىن ەسكەرتەمىز.

ازاماتتاردى جانە بۇقارالىق اقپارات قۇرالدارىن، الەۋمەتتىك جەلىلەردى پايدالانۋشىلاردى جوعارىدا كەلتىرىلگەن كەز كەلگەن قۇقىقبۇزۋشىلىقتاردى جاساۋدان اۋلاق بولۋعا، وسىنداي ارانداتۋشىلىق سوزدەر مەن شاقىرۋلارعا جول بەرمەۋگە جانە ولاردىڭ الدىن الۋعا شاقىرامىز.

تاعى وقي وتىرىڭىز: «روسسيا، رف، پۋتين»: ۋكراينالىق باق-تىڭ ماتىنىندە وزگەشەلىك بايقالدى

ۇقساس جاڭالىقتار

Back to top button