Келесі жылы дәрігерлердің жалақысы қалай өседі?

Келесі жылы дәрігерлердің жалақысы қалай өседі?

Келесі жылы дәрігерлердің жалақысы қалай өседі?
ашық дереккөзі
2023 жылы дәрігерлердің жалақысы 550 мың теңгеге дейін көбейеді деп жазды turkystan.kz Денсаулық сақтау министрлігінің баспасөз қызметіне сілтеме жасап. Санжар Асфендияров атындағы ҚазҰМУ студенттерімен кездесуде Денсаулық сақтау министрі Ажар Ғиният кадрлық қамтамасыз ету мәселелеріне қатысты медицина қызметкерлерін материалдық қолдау және дәрігер мамандығының мәртебесін арттыру шаралары туралы айтты. Оның айтуынша, жыл сайынғы дәрігерлердің жалақысын арттыруды ескере отырып, алдағы жылы ақ халаттылардың айлығын 550 мың теңгеге дейін ұлғайту қарастырылған. Бұл - экономика бойынша орташа жалақымен салыстырғанда, 2,5 есе жоғары. Сондай-ақ, ол медициналық студенттерге арналған гранттар мен стипендиялардың құнын арттыру, ауылдық жерлерге жұмыс істеуге келген медициналық жоғары оқу орындарының түлектері үшін әлеуметтік пакетті жақсарту туралы айтты. ДСМ өкілдері болашақ дәрігерлермен кездесу ашық интерактивті форматта өтіп, студенттерге сауалнамаға қатысуға, талқылау үшін сұрақтар қоюға мүмкіндік берілгенін атап өтті.