«كحدر قۋاتتى سوققى الەۋەتىن دامىتۋدى جالعاستىرادى» – كيم چەن ىن

كورەي حالىق دەموكراتيالىق رەسپۋبليكاسىنىڭ (كحدر) باسشىسى كيم چەن ىن ءوز ەلى قۋاتتى سوققى الەۋەتىن دامىتۋدى جالعاستىراتىنىن مالىمدەدى دەپ جازدى turkystan.kz تستاك اگەنتتىگىنە سىلتەمە جاساپ.

تستاك مالىمەتى بويىنشا، كيم چەن ىن بۇل مالىمدەمەنى «حۆاسون-17» كونتينەنتارالىق جاڭا بالليستيكالىق زىمىرانىن ءساتتى سىناۋعا ۇلەس قوسقان اسكەريلەر مەن عالىمدارمەن كەزدەسۋ بارىسىندا جاسادى.

حابارلامادا ايتىلعانداي، كيم چەن ىن كحدر ەلدىڭ قورعانىس قابىلەتىن نىعايتۋدى جانە كورەي حالىق ارمياسىنىڭ قارۋلانۋىنا مۇمكىندىك بەرەتىن كۇشتى شابۋىل قارۋىن قۇرۋدى كوزدەيتىن ءوز ماقساتىنا جەتۋ ءۇشىن بارىن سالاتىنىن اتاپ ايتقان.

26 ناۋرىزدا سولتۇستىك كورەيانىڭ ورتالىق «نودون سينمۋن» گازەتىنىڭ جازۋىنشا، 24 ناۋرىزدا كحدر-ءدىڭ «حۆاسون-17» قۇرلىقارالىق بالليستيكالىق زىمىرانىن سىناقتان وتكىزۋى ەل ۇكىمەتى مەن حالقىنىڭ ۇلكەن جەڭىسىنە اينالدى.

تستاك اگەنتتىگى 25 ناۋرىزدا كحدر كيم چەن ىننىڭ تىكەلەي بۇيرىعىمەن «حۆاسون-17»-ءنى سىناقتان وتكىزگەنىن راستادى. سولتۇستىك كورەيا تاراپىنىڭ مالىمەتىنشە، زىمىران شامامەن 1090 شاقىرىمعا ۇشسا، ال ماكسيمالدى ۇشۋ بيىكتىگى 6248 شاقىرىمدى قۇرادى. قۇرلىقارالىق بالليستيكالىق زىمىران 68 مينۋت اۋادا بولدى. سودان كەيىن ول جاپون تەڭىزىندەگى شارتتى نىساناعا ءتيدى.

جاپونيا قورعانىس مينيسترلىگىنىڭ مالىمەتىنشە، زىمىران ەلدىڭ ايرىقشا ەكونوميكالىق ايماعىنا (وسيما تۇبەگىنەن باتىسقا قاراي 150 شاقىرىم) تۇسكەن.

ۇقساس جاڭالىقتار

Back to top button