Меншігінде пайдаланылмай жатқан ауыл шаруашылығы жерлері бар банктер мемлекетке қайтаратын боладыдеп хабарлады turkystan.kz.
Бұл туралы Жерді пайдалану және жерді қорғау жөніндегі бас мемлекеттік инспекторы Мұрат Теміржанов айтты.
«Қазақстан Республикасы Ауыл шаруашылығы министрлігінің барлық аумақтық жер ресурстарын басқару департаменттеріне екінші деңгейдегі банктер мен басқа да қаржы институттары кепілге қойған пайдаланылмай жатқан ауыл шаруашылығы жерлерін мәжбүрлеп алып қою және айналымға қайтару шараларын күшейтуді тапсырдым. Бұл екінші деңгейдегі банктер мен басқа да қаржы институттары, сондай-ақ меншікке немесе жер пайдалануға өткен банктер кепілге алған жерлерге қатысты», – деді Мұрат Теміржанов.
Сонымен бірге ол жерлерді мемлекет меншігіне қайтару мәселесінің маңыздылығы туралы құжаттың жарияланғанын атап өтті.
«Екінші деңгейлі банктерде кепілге қойылған, банктердің меншігіне немесе жер пайдалануына берілген ауыл шаруашылығы мақсатындағы жерлердің үлкен көлемін пайдаланбау фактілері болған жағдайда, бүгінгі күні тұрғындарға ауыл шаруашылығы мақсатындағы жерлердің болмауы алаңдаушылық туғызып отыр. Осыған байланысты тұрғындар тарапынан мұндай жерлерді мемлекет меншігіне қайтару қажет. Сондай-ақ, басқа мақсатта пайдаланылуы мен пайдаланылуына бақылаудың жоқтығы туралы сұрақтар жиі туындайды», - делінген құжатта.
Мемлекеттік инспектор банктерге қатысты ауыл шаруашылығы мақсатындағы жер телімдері бойынша егжей-тегжейлі талдау жасап, мәліметтерді жинақтауды тапсырды.
