دسۇ: انتيرەسەيلىك سانكتسيالار سالدارىنان اشارشىلىق بولۋى مۇمكىن

دۇنيەجۇزىلىك ساۋدا ۇيىمى رەسەيگە قارسى سانكتسيالار سالدارىنان تۋىنداعان بۇكىل الەمدەگى ازىق-ت ۇلىك باعاسىنىڭ ءوسۋى الەمنىڭ كەدەي ەلدەرىندە اشارشىلىق تۋدىرۋى مۇمكىن ەكەنىن ەسكەرتتى دەپ حابارلادى turkystan.kz.

«بۇل جاعداي ءبىزدى الاڭداتۋى كەرەك. بيىلعى جانە الداعى جىلى ازىق-ت ۇلىك پەن اشارشىلىققا باعانىڭ تيگىزەتىن اسەرى زور بولۋى مۇمكىن. ازىق-ت ۇلىك پەن ەنەرگيا – بۇل الەمدەگى كەدەي ادامداردىڭ تۇتىنۋشىلىق ومىرىندەگى ەڭ ۇلكەن ەكى پوزيتسيا»، – دەدى ۇيىمنىڭ باس ديرەكتورى نگوزي وكونجو-يۆەالا بريتاندىق The Guardian گازەتىنە بەرگەن سۇحباتىندا.

ۆتو
                                                                                         دسۇ باسشىسى نگوزي وكوندجو-يۆەالا

ول سونداي-اق ۋكرايناداعى سوعىسقا بايلانىستى ەگىس ناۋقانىنا تەرىس اسەر ەتەتىن جاعدايلاردىڭ ىقتيمالدىعى جوعارى ەكەنىن اتاپ ءوتتى. دۇنيەجۇزىلىك ازىق-ت ۇلىك باعدارلاماسىنىڭ رەزەرۆتەرىندەگى بيدايدىڭ بارلىق كولەمىنىڭ جارتىسىمەن ۋكراينا قامتاماسىز ەتەدى. قازىر رەزەرۆتەر سوعىس ءجۇرىپ جاتقان ايماقتارعا جونەلتىلۋدە. وكونجو-يۆەلا ۋكرايناداعى ەگىن ناۋقانىنىڭ قازىرگى جاعدايى بيىلعى ازىق-ت ۇلىك جاعدايىنا عانا ەمەس، كەلەسى جىلعا دا اسەرىن تيگىزۋى مۇمكىن ەكەنىن اتاپ ءوتتى.

دسۇ باسشىسى 2000 جىلدارى الەمدەگى ينفلياتسيانىڭ وسۋىنە بايلانىستى بولعان اشارشىلىققا قاتىستى وتكەن كوتەرىلىستى ەسكە سالدى. نگوزي وكونجو-يۆەالا دسۇ مۇشەلەرى ازىق-ت ۇلىك ەكسپورتىنا شەكتەۋلەر قويماۋعا شاقىرىپ وتىرعانىن جەتكىزدى.

ۇقساس جاڭالىقتار

Back to top button