قازاقستاندا عيمارات ىشىندە ماسكا تاعۋ مىندەتى الىنىپ تاستالدى

ەلدەگى ەپيدەميولوگيا جاعدايىنىڭ تۇراقتانۋىن ەسكەرە وتىرىپ، ۆەدومستۆوارالىق كوميسسيا بىرقاتار شەشىم قابىلدادى دەپ حابارلادى turkystan.kz

پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن قازاقستان اۋماعىندا كوروناۆيرۋس ينفەكتسياسى تارالۋىنىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسى ءوتتى.

ەلدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ، ۆەدومستۆوارالىق كوميسسيا مىناداي شەشىمدەر قابىلدادى:

ءۇي-جايلاردا مىندەتتى ماسكا تاعۋ تالابىن الىپ تاستاۋ;

مەديتسينا مەكەمەلەرىندە (پەرسونال، قىزمەتكەرلەر، پاتسيەنتتەر، كەلۋشىلەر) مەديتسينا ماسكاسىن تاعۋ مىندەتىن ءوز كۇشىندە قالدىرۋ;

ادامدار كوپ جينالاتىن ورىنداردا، قوعامدىق كولىكتە، ۇيىمداسقان ۇجىمداردا ماسكا تاعۋدى ۇسىنىس سيپاتىندا قالدىرۋ;

ءبىلىم بەرۋ ۇيىمدارىندا وقىتۋدىڭ كابينەتتىك جۇيەسىنە رۇقسات بەرۋ.

سونىمەن قاتار ۆاك شەشىمىمەن Pfizer پرەپاراتىمەن ۆاكتسيناتسيالاۋعا جاتاتىن تۇلعالار كونتينگەنتى كەڭەيتىلەدى. ول مىناداي ساناتتارمەن تولىقتىرىلادى: ️

باستاپقى ۆاكتسيناتسيالاۋدان وتەتىن، وسى پرەپاراتپەن پروفيلاكتيكالىق ەگۋدى العىسى كەلەتىن ادامدار; ️

ءتۇرلى سەبەپتەرمەن شەتەلگە شىعۋ ءۇشىن قايتالاما ەكپە الۋشىلار; ️

شەتەلدە العان ۆاكتسيناتسيا كۋرسىن اياقتاۋ ءۇشىن ەكپە الۋشى تۇلعالار; ️

COVID-19 ۆيرۋسىنا قارسى رەۆاكتسيناتسيا الۋشى بارلىق توپتاعى ادامدار.

وتىرىس سوڭىندا ە.توعجانوۆ قولايلى ەپيدەميولوگيالىق جاعدايدى قامتاماسىز ەتۋدىڭ باستى شارتتارىنىڭ ءبىرى – ازاماتتاردى ۋاقتىلى يممۋنداۋ جانە رەۆاكتسيناتسيالاۋ ەكەنىن ايتتى. ول اكىمدىكتەرگە كوروناۆيرۋس ينفەكتسياسىنا قارسى ەگۋ ناۋقانىن ەرەكشە باقىلاۋعا الۋدى تاپسىردى جانە حالىق اراسىندا ساپالى ءتۇسىندىرۋ جۇمىستارىن جۇرگىزۋ قاجەت ەكەنىن مالىمدەدى.

ۇقساس جاڭالىقتار

Back to top button