Мәдениет министрлігі былтырғы конкурстық іріктеу нәтижелерін қараусыз қалдырады
Мәдениет министрлігі былтырғы конкурстық іріктеу нәтижелерін қараусыз қалдырады
Мәдениет және спорт министрлігі ұлттық киноны қолдау мемлекеттік орталығының 2021 жылғы питчинг нәтижелерінің күшін жоюға қатысты пікір білдірді деп хабарлады turkystan.kz министрліктің баспасөз қызметіне сілтеме жасап.
2021 жылғы конкурстық іріктеу нәтижелерін қараусыз қалдыру туралы шешім ҚР Мәдениет және спорт министрлігі жанындағы ведомствоаралық комиссияның отырысында қабылданды.
Шешімнің негізгі себебі, бұл - 2022 жылғы 14 қаңтарда Қаржы министрлігі Мемлекеттік сатып алуды жүзеге асыру ережелерін қатаңдатуы.
Атап айтқанда, жаңа ережелер жеткізушінің қаржылық тұрақтылық көрсеткішін қолдануды көздейді. Жаңашылдық киножобаларды қаржыландыруға тікелей әсер етеді, өйткені бұл шара іс жүзінде жеткілікті қаржылық резервтері жоқ жаңадан шыққан киноөндірушілердің конкурсқа қатысуға қосымша кедергі жасайды.
Осылайша, егер ведомствоаралық комиссия 2021 жылғы іріктеу нәтижелерін күшінде қалдырған жағдайда, мемлекеттік сатып алу туралы жаңа қағидалар өлшемшарттарына іріктелген жобалардың санаулы саны сәйкес келе алар еді.
Қалыптасқан жағдайда Министрлік жоғарыда көрсетілген Қағидаларға өзгерістер енгізу бойынша шаралар қабылдауда. Тиісті хат 2022 жылдың ақпан айында Қаржы министрлігіне жолданып, жауап ретінде уәкілетті орган өзгерістер енгізуге дайындығын білдірді.
Нәтижесінде, киноиндустрияны жеткізушілердің қаржылық тұрақтылығы түріндегі біліктілік талаптарын алып тастау арқылы оларды әлеуетті жеткізушілердің жеке санатына енгізу мәселесі пысықталып жатыр.