Сәрсенбі, 5 Қазан, 2022

«Қазақстанда «ЛГБТ дамыту» бойынша бағдарлама әзірленіп жатыр»: министрлік жауап берді

Әлеуметтік желілерде қазақстандық мектептерде болашақта «ЛГБТ дамыту» және ерте жыныстық ағарту бойынша сабақтар өткізілетіні туралы ақпарат тарап жатыр деп жазды Turkystan.kz Stopfake.kz сайтына сілтеме жасап. 

«Қазақстанда «ЛГБТ дамыту» бойынша бағдарлама әзірленіп жатыр»: министрлік жауап берді

Бұл қауесетті ҚР Білім және ғылым министрлігі жоққа шығарды. Ведомство мәліметінше, мұндай жаңашылдықтарды мектеп бағдарламасына енгізу мәселесі қарастырылып жатқан жоқ.

«Әлеуметтік желілерде Қазақстанда оқушыларға арналған «ЛГБТ дамыту» және ерте жыныстық ағарту бойынша бағдарлама әзірленіп жатқаны туралы жалған ақпарат тарап жатыр. Мұндай ақпарат шындыққа жанаспайды. Бұл тағы бір фейк. Мұндай тақырыптарды насихаттау бойынша қандай да бір оқу бағдарламалары мен пәндер жоқ және болмайды да. Балаларды патриотизмге, еңбексүйгіштікке, отбасылық құндылықтарға үйрететін қазақстандық мұғалімдер мұндай бастамалар көтерген жоқ», – деп хабарлады ҚР БҒМ баспасөз қызметі өкілдері.

Сондай-ақ, ведомство өкілдері жалған ақпарат таратқан адамдарға жауапкершілік жүктелетінін еске салып, ҚР БҒМ ресми парақшаларында және министрлік сайтында жарияланатын ресми мәліметтерге ғана сенуге шақырды.

Ұқсас жаңалықтар

Back to top button