Twitter Украина оқиғаларына қатысты 50 мың фейк хабарды өшірді

Twitter әлеуметтік желісі Украинадағы соғысқа байланысты айғақсыз жазылған 50 мыңға жуық фейк материалды өшіріп тастады деп хабарлады turkystan.kz Oxy.az порталына сілтеме жасап. Компанияның вице-президенті Шинейд МакСуини Twitter-де Украинадағы оқиғаларға қатысты жұртты адастыратын өтірік ақпараттың көбейіп кеткенін мәлімдеді. Сонымен бірге ол мұндай материалдардың басым бөлігі Ресейден тарайтынын айтты. Сол себепті, Ресейдің мемлекеттік БАҚ-тарының твитіне белгі қойып отыру қолға алынғанын атап өтті.