Кісендеулі Қайрат Боранбаевтың ұшақтан түскен сәті (ВИДЕО)

Интернет кеңістігінде қолы кісендеулі азаматтың ұшақтан түсіп, көлікке отырған сәті түсірілген видео таралды деп жазды turkystan.kz. Әлеуметтік желіде де, отандық БАҚ-та да тұтқындағы азаматтың Қайрат Боранбаев екені айтылуда. Кадрдан жүзін жасырған әрі спорттық жұқа киімдегі азаматтың арнайы жасақтың бақылауымен жүргенін көруге болады. Ал журналист Михаил Козачковтың жазуынша, «Қайрат» футбол клубының, Ресей, Беларусь, Қазақстандағы McDonald's мейрамханалар желісінің және Esentai Mall сауда орталығының жартылай иесі Қайрат Боранбаев 35 мың рубль тұратын Bosco Team спорттық киімін киіп алған. Еске сала кетсек, 15 наурызда Қайрат Боранбаевты Алматыда Қаржы мониторингі агенттігі орталық аппаратының қызметкерлері қамауға алғаны жөніндегі ақпарат тарай бастады. Өкінішке қарай, әлі күнге ресми ақпарат берілген жоқ. Тағы оқи отырыңыз: Қайрат Боранбаев та қамауға алынды – БАҚ