پاك كىن حەنىڭ يمپيچمەنتى 2 جەلتوقساندا داۋىسقا سالىنۋى مۇمكىن

         وڭتۇستىك كورەيا وپپوزيتسياسى 2 جەلتوقسان كۇنى ەل پرەزيدەنتى پاك كىن حەنىڭ يمپيچمەنتىن پارلامەنتتە داۋىسقا سالۋدى جوسپارلاپ وتىر. بۇل جونىندە بۇگىن مەملەكەتتەگى ەكى ءىرى وپپوزيتسيالىق كۇش – «توبۋرو» دەموكراتيالىق پارتياسى مەن حالىقتىق پارتيا وكىلدەرى حابارلادى.

         «سارسەنبى كۇنى ءبىز يمپيچمەنت جونىندەگى زاڭ جوباسىنىڭ سوڭعى نۇسقاسىن دايىنداپ، پارلامەنت تالقىلاۋىنا ۇسىنامىز. قۇجات بويىنشا داۋىس بەرۋ جۇما كۇنى وتەدى دەپ بولجاپ وتىرمىز»، – دەلىنگەن مالىمدەمەدە.

پرەزيدەنتتى بيلىكتەن الاستاتۋعا «پاك كىن حەنىڭ كونستيتۋتسيا تالاپتارىن ورەسكەل بۇزعانى»، سونداي-اق، «پاراقورلىق، بيلىكتى اسىرا پايدالانعانى جانە مەملەكەتتىك قۇپيانى جاريا ەتكەنى» سەبەپ بولعان.

Realmeter الەۋمەتتىك قىزمەتىنىڭ حابارلاۋىنشا، پرەزيدەنت توڭىرەگىندە پاراقورلىق جونىندە شۋ شىققالى مەملەكەتتى بيلەۋشى «سەنۋري» پارتياسىن حالىقتىق قولداۋ دەڭگەيى 2،8 پايىزدىق ساتىعا تومەندەپ، 16،2 پايىزعا جەتكەن.  ەسەسىنە وپپوزيتسيالىق پارتيانى قولداۋشىلار سانى ارتقان. «توبۋرو» پارتياسىن حالىقتىق قولداۋ دەڭگەيى 2،5 پايىزدىق ساتىعا جوعارىلاپ، 33 پايىزعا جەتتى.

ۇقساس جاڭالىقتار

Back to top button