Дүйсенбі, 6 Ақпан, 2023

«Доллар мен алтын шекарадан шығарылмайды»: Тоқаев Жарлыққа қол қойды

Президент Қасым-Жомарт Тоқаев «Қазақстан Республикасының қаржылық тұрақтылығын қамтамасыз ету шаралары туралы» Жарлыққа қол қойды деп хабарлады turkystan.kz Ақорданың ресми сайтына сілтеме жасап.

«Қазақстан Республикасының ұлттық мүдделерін қорғау және Қазақстан Республикасының қаржылық тұрақтылығын қамтамасыз ету мақсатында ҚАУЛЫ ЕТЕМІН:

1. Қазақстан Республикасынан: 1) Қазақстан Республикасының Ұлттық банкі әкету күніне белгілеген бағам бойынша есептелген және 10 000 (он мың) АҚШ доллары баламасынан асатын сомадағы қолма-қол шет ел валютасын және (немесе) шет ел валютасындағы ақша құралдарын;

2) Қазақстан Республикасының Ұлттық Банкі шығаратын аффинирленген алтынның 5, 10, 20, 50 және 100 грамм алтын құймаларын және алтыннан жасалған ALTYN BARYS және күмістен жасалған KÚMIS BARYS инвестициялық монеталарын, сондай-ақ 100 грамнан аса аффинирленген алтынды әкетуге тыйым салынсын.

2. Қазақстан Республикасының Үкіметі Қазақстан Республикасының Ұлттық Банкімен және басқа да мүдделі мемлекеттік органдармен бірлесіп, осы Жарлықты іске асыру жөнінде қажетті шаралар қабылдасын.

3. Осы Жарлық ресми жарияланған күнінен бастап күшіне енеді», – делінген Қаулыда.

Байқау айқын
Байқау айқын

Ұқсас жаңалықтар

Back to top button