«توم مەن دجەرري»: اقتاۋداعى قاشقىن جۇرگىزۋشى تالقىعا ءتۇستى (ۆيدەو)

اقتاۋداعى 17-ىقشاماۋداندا «دۋكات» تۇرعىن ءۇي كەشەنىنىڭ الدىنداعى جولدا جۇرتتى دۇرلىكتىرگەن وقيعا بولدى دەپ جازدى turkystan.kz.

بەينەجازبادا Lada Priora جۇرگىزۋشىسى كەرى بۇرىلماستان ارتقا قاراي جوعارى جىلدامدىقپەن جۇرگەن. ونى جاياۋ پوليتسيا قىزمەتكەرى قۋعان. كوپ ۇزاماي، قىزمەتتىك كولىك تە ىزىنە تۇسەدى. بىراق Lada Priora جۇرگىزۋشىسىنىڭ ارەكەتى ءساتسىز اياقتالدى. ول كوشەدەگى جارىق باعانىنا سوعىلعان.

پوليتسەيلەر جۇرگىزۋشىنىڭ ماس حالدە رولگە وتىرعانىن حابارلادى. 38 جاستاعى اقتاۋلىق تۇرعىنعا جول ەرەجەسىن ورەسكەل بۇزعانى ءۇشىن قر قك-ءنىڭ 346-بابى، 2-بولىگىمەن قىلمىستىق ءىس قوزعالدى. قازىر ول اقتاۋ قالالىق پب-نىڭ ۋاقىتشا ۇستاۋ يزولياتورىندا جاتىر.

ايتا كەتسەك، ول بۇعان دەيىن دە جول ەرەجەسىن بۇزعان.

جول

ماس جۇرگىزۋشىنىڭ ءىس-ارەكەتى الەۋمەتتىك جەلىدە قىزۋ تالقىعا ءتۇستى. كەيبىر ينتەرنەت قولدانۋشىلارى وقيعانى «فورساج» فيلمىنە ۇقساتسا، ەندى ءبىرى كادرداعى ادامداردى «توم مەن دجەرري» ءمۋلتفيلمىنىڭ كەيىپكەرلەرىنە تەڭەگەن.

تاعى وقي وتىرىڭىز: اقتاۋدا قاتتى جەلدەن كوپقاباتتى ءۇيدىڭ قاسبەتى قۇلاپ، كولىكتەر قيرادى

ۇقساس جاڭالىقتار

Back to top button