Ресейден Қазақстанға көшіп келгісі келетіндер көбейіп жатыр

Ресейде халықтың тұрмыс деңгейінің нашарлауына байланысты осы елден Қазақстанға көшіп келгісі келетіндер күн сайын көбейіп жатыр деп хабарлады turkystan.kz.

Қазір Ресей азаматтары Telegram желісінде Казахстан чат-форумын ашып алып, бір-бірімен Қазақстандағы жағдайды талқылап, көшіп келуге ниеттеніп отыр. Ресейліктер біздің елге ғана емес, Грузияға да көшуді ойластырып жатыр. Қолда бар мәліметтерге қарағанда, өткен жұмада ол елге 20-25 мың ресейлік көшіп барған.

Қазақстанға да жақын арада осынша адам көшіп келуі мүмкін. Мысалы, қазірдің өзінде Алматыда үйді жалға алушылар көбейіпті. Ал қала тұрғындарының айтуынша, Қостанайда бұрынғыдай бос тұрған қонақ үйлер жоқ. Қонақ үйлердің маңында шетелдіктер көбейіп жатқан көрінеді.

Ұқсас жаңалықтар

Back to top button