Visa جانە Mastercard رەسەيدە قىزمەتىن توقتاتادى

Visa جانە Mastercard 5 ناۋرىزدا رەسەيدەگى جۇمىسىن توقتاتۋ تۋرالى مالىمدەمە جاسادى. ەكى كومپانيا دا سانكتسيالاردى قولداپ، رەسەيلىك بانكتەر شىعارعان كارتالار بويىنشا قىزمەت كورسەتۋدى توقتاتادى دەپ حابارلادى turkystan.kz ريا نوۆوستي سايتىنا سىلتەمە جاساپ.

Mastercard كورپوراتسياسى «رەسەي بانكتەرى شىعارعان كارتالارعا Mastercard جەلىسى ەندى قولداۋ كورسەتپەيدى» دەگەن مالىمدەمە جاسادى. سونداي-اق، رەسەيدەن تىس جەردە شىعارىلعان Mastercard كارتالارى رەسەي اۋماعىندا جۇمىس ىستەمەيدى.

«ءبىز رەسەيدەگى جەلىلىك قىزمەتتەرىمىزدى توقتاتۋ تۋرالى شەشىم قابىلدادىق»، – دەلىنگەن حابارلامادا.

كومپانيا رەسەيدەگى جۇمىسىن زاڭنامالىق شەكتەۋلەر بولماعان كەزدە قايتا باستايتىنىن جەتكىزدى.

Visa دا وسىنداي مالىمدەمە جاسادى.

«بۇدان بىلاي، Visa رەسەيدەگى كليەنتتەرمەن جانە سەرىكتەستەرمەن جۇمىس ىستەپ، جاقىن كۇندەرى بارلىق Visa ترانزاكتسيالارىن توقتاتادى. پروتسەسس اياقتالعاننان كەيىن رەسەي فەدەراتسياسىندا شىعارىلعان Visa كارتالارىمەن جاسالعان بارلىق ترانزاكتسيالار ەندى ەلدەن تىس جەردە جۇمىس ىستەمەيدى»، – دەلىنگەن حابارلامادا.

ۇقساس جاڭالىقتار

Back to top button