سپورتشىلار تۇگىلى، رەسەيلىك مىسىقتار دا سانكتسياعا ۇشىرادى

حالىقارالىق مىسىقتار فەدەراتسياسى (FIFE) رەسەيدەن كەلگەن مىسىقتارعا حالىقارالىق كورمەلەرگە قاتىسۋعا تىيىم سالدى. شەشىم ۋكراينادا بولىپ جاتقان قاقتىعىستار اياسىندا قابىلداندى دەپ جازدى turkystan.kz.

ۇيىمنىڭ سايتىندا حابارلانعانداي، 1 ناۋرىزدان 31 مامىرعا دەيىن رەسەيدە تۇراتىن بىردە-ءبىر مىسىق شەت ەلدە وتەتىن FIFE كورمەسىنە جىبەرىلمەيدى. سونداي-اق رەسەيدە وسىرىلگەن مىسىقتاردى حالىقارالىق ۇيىمنىڭ اسىل تۇقىمدى كىتابىنا شىعارۋعا نەمەسە تىركەۋگە بولمايدى.

«FIFE كەڭەسى ۋكرايناداعى جاعدايدىڭ شيەلەنىسۋىنە بايلانىستى زارداپ شەگىپ جاتقان سەلەكتسيونەرلەر مەن مىسىقشىلاردى قولداۋ ءۇشىن ءوز بيۋدجەتىنىڭ ءبىر بولىگىن ءبولۋ تۋرالى شەشىم قابىلدادى»، – دەلىنگەن حابارلامادا.

حالىقارالىق مىسىقتار فەدەراتسياسى – 1949 جىلى فرانتسۋز مارگاريتا راۆەلدىڭ ارقاسىندا قۇرىلعان حالىقارالىق ۇيىم. بۇگىندە ونىڭ قۇرامىنا 40 ەلدىڭ اۋەسقوي كلۋبتارى كىرەدى.

ۇقساس جاڭالىقتار

Back to top button