رەسەيلىكتەردىڭ 75 پايىزى سوعىستى قولدايدى

بۇگىن، رەسەيدىڭ ۋكراينا ەلىندە باسقىنشىلىق سوعىس جۇرگىزىپ جاتقانىنا 6 كۇن تولعان كەزدە سولتۇستىكتەگى كورشى مەملەكەتتىڭ 75 پايىزىنىڭ وسى اگرەسسيانى قولدايتىنى انىقتالدى دەپ حابارلادى turkystan.kz. بەلارۋستىڭ «بەلسات» پورتالىنا سىلتەمە جاساپ.

پورتال تىلشىلەرىنە سۇحباتىندا  رەسەيلىك ساياساتتانۋشى اندرەي سۋزدالتسەۆ حالىق سوعىستى قالاماسا دا تاڭعالارلىق جاعدايدى كورىپ وتىرعانىن، رەسەي تۇرعىندارىنىڭ 75 پايىزى ءپۋتيننىڭ ۋكراينا جەرىندەگى «ارنايى وپەراتسياسىنا» قولداۋ بىلدىرەتىنى انىقتالعانىن ايتتى.

­­- بۇل ورىستاردىڭ رەسەي يمپەرياسى مەن كەڭەس وداعى كەزىندە وزدەرىن ەۋرازيا كەڭىستىگىنىڭ قوجايىنى، باسقا حالىقتاردىڭ گەگەمونى، ليدەرى ساناپ ۇيرەنىپ قالعانىن كورسەتەدى. ولار كسرو تاراپ، ون بەس مەملەكەتكە ءبولىنىپ كەتكەننەن كەيىن وزدەرىنە بوتەن بولا باستاعان حالىقتاردى كەشىرمەدى. وسىعان دالەل رەتىندە سوعىس باستالاردىڭ الدىندا وزدەرىن وزدەرى جاريالاعان «دحر» مەن «لحر»-دى رەسەيلىكتەردىڭ 73 پايىزى قولدايتىندارىن بىلدىرگەنىن ايتۋعا بولادى، – دەدى ول.

بۇرىنعى وداقتاس رەسپۋبليكالاردا دا سوعىستى قولدايتىندار كوپ. مىسالى، قازاقستاندا رەسەيدىڭ باسقىنشىلىق سوعىسىن قولداپ وتىرعانداردىڭ اراسىندا قازاقتاردىڭ دا بار ەكەنىن جاسىرا المايمىز.

ۇقساس جاڭالىقتار

Back to top button