«كونستيتۋتسيادان ورىس ءتىلىن الىپ تاستاۋدىڭ قاجەتى جوق» - قوشانوۆ

ەلدە كونستيتۋتسياداعى ورىس ءتىلىنىڭ مارتەبەسىن الىپ تاستاۋ تۋرالى حالىق پەتيتسيا جاريالاعان. بۇعان قاتىستى ءماجىلىس توراعاسى ەرلان قوشانوۆ پىكىر ءبىلدىردى دەپ حابارلادى turkystan.kz.

«پەتيتسيانى باستاماشىل توپ جاريالاعان شىعار، حالىق جاريالادى دەپ ايتۋعا بولماس. مەن سىزدەرگە قارسى سۇراق قويار ەدىم: قازاق ءتىلىن ودان ارى دامىتۋ ماڭىزدى ما، الدە ورىس ءتىلىن الىپ تاستاعان ماڭىزدى ما؟ مەنىڭ ويىمشا، قازاق ءتىلىن دامىتۋعا اكتسەنت بەرۋىمىز كەرەك. ونى قالاي دامىتامىز؟ جۋرناليستەردىڭ ءبارى تەك قازاق تىلىندە سويلەسە مە؟ شىنىن ايتايىن، دەپۋتاتتاردىڭ ءبارى بىردەي قازاق تىلىندە سويلەمەيدى. سوندىقتان قازاقتار قازاق تىلىندە سويلەسىپ، وزگە ۇلت وكىلدەرىن قازاقشا سويلەۋگە تارتۋ كەرەك. ءبىرىنشى ماسەلە – وسى. ال ءبىز كوپۇلتتى مەملەكەتپىز عوي. ولار ءبىر-بىرىمەن سويلەسۋى ءۇشىن ورىس ءتىلى قاجەت. بۇگىندە كونستيتۋتسيادان ورىس ءتىلىن الىپ تاستاۋدىڭ قاجەتى جوق دەپ ەسەپتەيمىن»، – دەدى قوشانوۆ.

ۇقساس جاڭالىقتار

Back to top button