Алматыда жедел жәрдем көлігі апатқа ұшырады
Алматыда жедел жәрдем көлігі апатқа ұшырады
Алматыда жедел жәрдем көлігі жол-көлік оқиғасына ұшырады. Апат салдарынан төрт адам ауруханаға жатқызылды деп хабарлады turkystan.kz.
Жол апаты Райымбек даңғылында Розыбакиев көшесіне жетпей орын алған.
Куәгерлердің айтуынша, жол айрығының алдында жедел жәрдем көлігі шығыс бағытта Райымбек даңғылымен жүріп өткен. Кенеттен көлік жүргізушісі көлікті басқара алмай, алдымен жиектасқа, кейіннен жол белгісі мен жарықтандыру діңгегіне соғылған.
Жол апатынан зардап шеккен төрт адам, атап айтқанда: жүргізуші, фельдшер, медбике және тағы бір жедел жәрдем қызметкері ауруханаға жатқызылды.
Қазіргі уақытта ЖКО-ның барлық мән-жайлары анықталуда.