جەرلەۋ ءراسىمى كەزىندە شابۋىل جاسالىپ، 20-عا جۋىق ادام قازا تاپتى

وتكەن جەكسەنبىدە مەكسيكانىڭ ميچواكان شتاتىندا جەرلەۋ راسىمىنە قاتىسۋشىلارعا قارۋلى شابۋىل جاسالدى دەپ جازدى turkystan.kz Noticias MVS راديوستانتسياسىنا سىلتەمە جاساپ.

الدىن الا مالىمەتتەر بويىنشا، وق جاۋدىرعان بەلگىسىز قىلمىسكەرلەردىڭ قولىنان 17 ادام قازا تاپقان. Noticias MVS راديوستانتسيانىڭ حابارلاۋىنشا، قىرعىن بولعان ماركوس كاستەللانوس مۋنيتسيپاليتەتىندە قازىرگى ۋاقىتتا «جاليسكونىڭ جاڭا ۇرپاعى»، «جاڭا ميچواكان وتباسى» جانە «تەمپليەر وردەنىنىڭ رىتسارلارى» اتتى ەسىرتكى كارتەلدەرىنىڭ قارۋلى توپتارى بار. بيلىك قىرعىنعا قاتىسى بولۋى مۇمكىن كۇدىكتىلەردى ىزدەستىرۋدە.

بۇدان بۇرىن MILENIO گازەتى مەكسيكانىڭ بىرنەشە ايماعىندا بيلىكتىڭ قىلمىسپەن كۇرەسۋ ارەكەتتەرى ناتيجە بەرمەگەنىن جازعان بولاتىن. اگەنتتىكتىڭ باعالاۋى بويىنشا، 2021 جىلدىڭ 13 تامىزىنان 2022 جىلدىڭ 16 اقپانىنا دەيىن كىسى ءولتىرۋ دەڭگەيى ساكاتەكاس شتاتىندا – 10، ميچوكان شتاتىندا 9 جانە مەكسيكا شتاتىندا 5 پايىزعا وسكەن.

 

ۇقساس جاڭالىقتار

Back to top button