باس پروكۋروردىڭ ورىنباسارى تاعايىندالدى

بۇل تۋرالى اقوردانىڭ سايتىندا حابارلاندى دەپ جازدى turkystan.kz.

«مەملەكەت باسشىسىنىڭ وكىمىمەن ۇلان ساپار ۇلى بايجانوۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنا تاعايىندالدى» دەپ جازىلعان حابارلامادا.

ۇلان ساپار ۇلى بايجانوۆ 1958 جىلى 9 تامىزدا الماتى قالاسىندا دۇنيەگە كەلگەن. كيروۆ اتىنداعى قازاق مەملەكەتتىك ۋنيۆەرسيتەتىنىڭ تۇلەگى، ماماندىعى – زاڭگەر. ەڭبەك جولىن «كازگۋگراد» كپ-دا اعا زاڭ كەڭەسشىسى بولىپ باستاعان.

1983-1987 جىلدارى – قازاق كسر باسپا ىستەرى جونىندەگى مەملەكەتتىك كوميتەتىنىڭ «كازكنيگا» رو ءبولىمىنىڭ باستىعى;

1987-1991 جىلدارى – الماتى قالالىق اتقارۋ كوميتەتىنىڭ نۇسقاۋشىسى، زاڭ ءبولىمى باستىعىنىڭ ورىنباسارى، اكىمشىلىك ورگاندار ءبولىمىنىڭ باستىعى، مەملەكەتتىك-قۇقىقتىق ءبولىمىنىڭ باستىعى;

1991-1995 جىلدارى – الماتى قالاسى ادىلەت دەپارتامەنتىنىڭ باستىعى، ادىلەت مينيسترلىگىنىڭ القا مۇشەسى;

1995-1997 جىلدارى – «الماتى – زاڭ» زاڭ ورتالىعىنىڭ باس ديرەكتورى;

1997-1999 جىلدارى – «قازاقتەلەكوم» ااق ۆيتسە-پرەزيدەنتى;

1999-2002 جىلدارى – قازاقستان رەسپۋبليكاسى مەملەكەتتىك كىرىستەر ۆيتسە-ءمينيسترى;

2003 جىلعى قاڭتار-ناۋرىز – «قازمۇنايگاز» ۇك» جاق-تى قۇقىقتىق قولداۋ جونىندەگى اتقارۋشى ديرەكتور;

2003 جىلعى ناۋرىز-شىلدە – «قازمۇنايتەڭىز» تەڭىز كومپانياسى» جاق باس ديرەكتورىنىڭ ورىنباسارى;

2003-2005 جىلدارى – «نەفتەكونسالتينگ» جاق پرەزيدەنتى;

2005-2008 جىلدارى – «قازمۇنايگاز» ۇك اق پرەزيدەنتى اپپاراتىنىڭ جەتەكشىسى، بيزنەستى قولداۋ جانە قۇقىقتىق قولداۋ جونىندەگى ۆيتسە-پرەزيدەنتى;

2009-2011 جىلدارى – «سامۇرىق-قازىنا» ۇلتتىق ءال-اۋقات قورى» اق باسقارۋشى ديرەكتورى; «تاۋ-كەن سامۇرىق» اق ديرەكتورلار كەڭەسىنىڭ توراعاسى;

2011-2015 جىلدارى – قازاقستان رەسپۋبليكاسى باس پروكۋراتۋراسى باسقارماسىنىڭ باستىعى، باس پروكۋراتۋرانىڭ ەۋروپا ەلدەرىندەگى جانە حالىقارالىق ۇيىمدارداعى ارنايى وكىلى;

2015-2017 جىلدارى – باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ رەكتورى;

2017-2018 جىلدارى «كازكوممەرتسبانك» اق باسقارما توراعاسىنىڭ ورىنباسارى;

2018 جىلدىڭ قازان ايىنان باستاپ – «تسەسنا بانك» اق ديرەكتورلار كەڭەسىنىڭ تاۋەلسىز مۇشەسى;

2018 جىلدان 2019 جىلعا دەيىن – «تسەسنابانك» اق ديرەكتورلار كەڭەسىنىڭ مۇشەسى، تاۋەلسىز ديرەكتور;

2020 جىلدىڭ اقپانىنان باستاپ – قر ۇوك تەكسەرۋ كوميسسياسىنىڭ توراعاسى;

2021 جىلدىڭ 1 اقپانىنان باستاپ – «زەردە» ۇلتتىق حولدينگى» اق تاۋەلسىز ديرەكتورى.

«قازاقستان ينجينيرينگ» ۇلتتىق كومپانياسى» اق مەن «Tengri Bank» اق ديرەكتورلار كەڭەسىنىڭ مۇشەسى بولعان.

ول II دارەجەلى «داڭق» وردەنىمەن ماراپاتتالعان.

ۇقساس جاڭالىقتار

Back to top button