Антон Геращенко Украинаның барлық өңірінде оқ атылып жатқанын мәлімдеді
Украина Ішкі істер министрінің орынбасары Антон Геращенко Ресей жүргізіп жатқан операция салдарынан бірнеше адамның көз жұмғанын айтты деп жазды turkystan.kz.
Шенеуніктің айтуынша, Херсон облысындағы Чонгар және Каланчак қалаларында әскери бөлім мен Бровар әскери қалашығына оқ атылған. Әуе соққысы кезінде ғимарат өртеніп, 4 қабатты үй жартылай қираған. Алдын ала ақпарат бойынша 1 адам қаза тауып, 6 адам жарақат алған.
«Сумск облысындағы Конотоп ауданында автокөлікке оқ атылды. Салдарынан баласы бар әйел зардап шекті. Сағат 08.36-да Одесса облысындағы Подольск қаласында №0173 әскери бөліміне бомба тасталды. Салдарынан 6 адам қаза тауып, 7 адам жараланды. Ал 19 адам жоғалып кетті. Сағат 08.38-де Донецк облысындағы Мариуполь қаласында атыс салдарынан 1 адам қаза тауып, 2 адам жараланды» деп жазды Антон Геращенко Facebook-тегі парақшасына.
Сондай-ақ Ішкі істер министрінің орынбасары елдегі жағдайға тоқталды:
- Волынь облысындағы Луцк қаласында жарылыстар туралы ақпарат бар;
- Одесса әуежайы жанында локатор жарылды;
- Запорожье әуежайының жанында жарылыс болды;
- Чернигов облысындағы Новгород-Северский ауданы Николаевка ауылында Ресей техникасы келе жатыр;
- Львов облысындағы Батятичи ауылында жарылыстар естіледі;
- Полтава облысындағы Миргород қаласында 2 зымыран жарылды;
- Херсон облысында (Каланчак) шекарашыларға оқ атылды;
- Кировоград облысындағы Знаменка қаласында оқ атылды;
- Львов облысындағы Броды қаласындағы 2 әскери бөлімде 3 жарылыс болды;
- Чернигов облысындағы Украинаның Төтенше жағдайлар жөніндегі мемлекеттік қызметі әуежайында зардап шеккендер бар;
- Херсон облысындағы Азов Геническая бекеті Ресей Федерациясының әскери техникасы Мелитопольге бара жатыр;
- Винница облысындағы Бохоникида оқ атылды;
- Хмельниц ауданындағы Староконстантинов қаласындағы әскери әуежайға оқ атылды;
- Одесса облысындағы Подольск қаласына Приднестровьядан 2 ұшақ ұшып келіп, әскери бөлімге оқ жаудырды;
- Житомир облысында зымыран атылды, бір ұшақ жойылды;
- Винница облысындағы Тульчин және Теплик қалаларындағы әскери бөлімде жарылыс болып жатыр;
- Ивано-Франковская облысында әскери бөлімге оқ атылып жатыр;
- Харьков облысындағы әскери бөлімге (зенит бөлімі) оқ атылуда;
- Запорожье қаласының шетіндегі әскери бөлімде оқ атылуда;
- Киев облысында (Васильковский, Борисполь, Броварский, Полесский аудандары) жарылыстар туралы ақпарат бар;
- Львов облысындағы Новый Калинов ауылының жанар-жағармай базасына оқ атылып жатыр;
- Киев облысындағы Ревное ауылындағы әскери бөлімге оқ атылып жатыр;
- Херсон облысындағы Чонгар және Каланчак қалаларындағы әскери бөлімдерге оқ атылып жатыр.