Астанаға ШҚО-дан 32 адам ұсыныстарымен келе жатыр

Бүгін «Nur Otan» партиясы Шығыс Қазақстан облыстық филиалы Саяси кеңесінің отырысы эпидемиологиялық жағдайға байланысты «Zoom» платформасы арқылы онлайн форматта өтті деп хабарлады turkystan.kz. «Nur Otan» партиясы Шығыс Қазақстан облыстық филиалының төрағасы, облыс әкімі Даниал Ахметовтің қатысуымен өткен жиында 1 наурыз күні Нұр-Сұлтан қаласында онлайн режимде өтетін «Nur Otan» партиясының кезектен тыс ХХІІ съезіне облыстан қатысатын делегаттардың тізімі қаралып, бекітілді. Жалпы партияның кезектен тыс съезіне Шығыс Қазақстан облысының атынан 32 делегат қатысатын болады.