Жансай Смағұлов Израильдегі халықаралық турнирдің қола жүлдегері атанды

Тель-Авивте өтіп жатқан Grand Slam турнирінде дзюдодан Қазақстан командасының өкілі Жансай Смағұловқа  қола медаль бұйырды деп хабарлады turkystan.kz. Отандасымыз 73 келіде жүлдегер атанды. Қола медаль үшін өткен кездесуде Жансай Смағұлов германиялық Игорь Вандткені ұтты. Қарсыласы үш рет ескерту алған соң, жеңіс Жансайға берілді. Бұл салмақтағы алтын медальді әзірбайжандық Хидаят Хейдаров ұтып алды. Екінші орында - Обидхон Номонов. Тағы бір қола жүлдені израильдік Тохар Бутбул иеленген.