Мүгедектігі бар балалардың аналары депутаттарға денсаулық сақтау жүйесіне сенбейтіндерін жеткізді
Мүгедектігі бар балалардың аналары депутаттарға денсаулық сақтау жүйесіне сенбейтіндерін жеткізді
18 ақпанда Мәжілісі депутаттары – «Nur Otan» партиясы фракциясының мүшелері Айгүл Нұркина, Анатолий Бойчин, Вери Ким «Кедергісіз келешек» партиялық жобасы аясында ерекше қажеттілігі бар балаларды тәрбиелеп отырған аналармен кездесті деп хабарлады turkystan.kz.
Бұған дейін депутаттармен кездесу онлайн форматта ұйымдастырылған болатын. Мүгедектігі бар балаларды тәрбиелеп отырған ата-аналар мүгедектік санаттарын қайта қарауды, заңнамаға түзетулер енгізуді және жеңілдікті дәрі-дәрмектер алуды қамтамасыз етуді талап етеді. «Кедергісіз келешек» партиялық бағдарламасын жүзеге асыру аясында Мәжіліс депутаттары Павлодарда бір топ аналармен кездесу өткізіп, проблемалық мәселелер мен ұсыныстарды тыңдады. Әйелдер дәрі-дәрмектерді жеткізудегі проблемалар, техникалық және ақшалай қаражаттың жетіспеушілігі туралы айтып, денсаулық сақтау жүйесіне сенімсіздік білдірді. Кейбір жағдайларда диагноз дұрыс қойылмаған, ал ақыл-есі кем балалар санаты мүгедектіктің дәстүрлі топтарымен бір деңгейге қойылмаған.
Мәжілісмендермен кездесу барысында аналар мынадай мәселелерді көтерді:
- Мүгедек балалар үшін мүгедектік санаттары бойынша мәселе; мүгедек балаларды тәрбиелеп отырған аналар үшін зейнеткерлік жас деңгейін төмендету; ақыл-есі кем мүгедектердің проблемалары;
- Диагнозы күрделі мүгедек балаларға барлық қажетті құралдарды ұсынбау: матрастар, сорғыштар, тыныс алу құралдары және т.б. осыған байланысты ата-аналар бәрін өздері сатып алуға мәжбүр;
- Мүгедектерге сапалы тауарлар сатып алу мақсатында мүгедектерге қажетті қаражатты сатып алудың кепілдік берілген сомасын ұлғайту. Қажетті құралдарды сатып алу порталының жұмысы жетілдірілмеген, балама немесе оны пысықтау қажет;
- Мүгедектердің мүмкіндіктері ескеріле отырып, тұрғын үй бағдарламаларына қатыса алуы үшін тұрғын үй заңнамасына өзгерістер енгізу-зейнетақы аударымдары жоқ және т.б.
- Жеке көмекшілерге сағаттық күтімге байланыстырмай 2 АЕК жалақы мөлшерінде жалақы мөлшерін белгілеу. 1-2-топ мүгедектері мен бала кезінен мүгедектерге күтім жасайтын адамдар үшін зейнеткерлік жасты әйелдер үшін 55 жасқа дейін және ерлер үшін 60 жасқа дейін төмендету.
Сондай-ақ баланың мүгедектігіне әкеп соқтырған медициналық қателік жіберген медицина қызметкерлері туралы мәселелер көтерілді.
Барлық мәселелер тыңдалып, ерекше бақылауға алынды. Бұл аналармен соңғы кездесу емес. Депутаттардың айтуынша, барлық мәселелерді 1 күнде шешу мүмкін емес, көбі егжей-тегжей зерттеуді қажет етеді.