Тараз түрмесіндегі жазасын өтеушілер 20 күннен бері ас-судан бас тартып, аштық жариялап отыр деп хабарлады turkystan.kz halyquni.kz-ке сілтеме жасап. Олардың айтуынша, түрмедегі басшылары басынып, сотталушыларды күн сайын соққыға жығады екен. Сондай-ақ заңды түрде берілуге тиіс құрал-жабдықтарын да бермейтін көрінеді. «Таяқтың астында қалдық» дегендер түрме ішінен телефонға түсірілген бейнеүндеу жолдады. Қаладағы ЖД-158/4 түзету мекемесіндегі жазасын өтеушілер «қысымды жаңа басшылықтан көріп отырмыз» дейді. Тіпті, түн ортасында келіп, ұйқыда жатқан жерінен ұрып-соғатындарын айтады.
«Мекеме қызметкерлері келіп, түнгі уақытта сотталғандарға күш көрсетеді. Әлімжеттік жасайды. Ешқандай жағдай жасалмаған. Мына мекемеге келгенде төсек-жабдық, тиісті заттарды берген жоқ», - дейді жазасын өтеуші Жұбаныш Зейнадинов.Азаптауға шыдамаған кейбір сотталушылар тіпті өзіне-өзі қол жұмсағысы да келген. Ал балалары үшін алаңдаған ата-аналар «қысым көрсеткен бастықтары» бұрын да жаманатты болғанын айтады.
«11 адам өзіне-өзі қол жұмсаған. Оларды мұндай жағдайға жеткізген - Бақтияров Серікбол. Бұл жігіт Алматыда да жұмыс істеген екен. Ол жерде адам өлімі болған деп естиміз. Сондықтан мен баламның өміріне алайдаймын», - дейді сотталушының анасы Гүлнәр Қоңқашева.Сотталушының анасы меңзеген Серікбол Бақтияров - Тараздағы ЖД-158/4 түзету мекемесі бастығының орынбасары. Ол бұл жағдайды «түрмедегі тәртіпке бағынбайтындардың әрекеті» деп түсіндірді. Өзін қаралағандарды да жазасыз қалдырмайтынын жеткізді.
«Біздің талаптарымызды орындамау мақсатында осындай іс-әрекетке барып отыр. Аталған сотталғандарға міндетті түрде Қылмыстық кодекті басшылыққа ала отырып, менің тарапымнан арыз түсіреміз», - деді ЖД-158/4 мекемесі бастығының орынбасары Серікбол Бақтияров.Жазасын өтеушілердің арызы бойынша прокурорлар қылмыстық іс қозғаған. Ал «түзету мекемесінде таяқтан көз ашпадық» дегендер ем қабылдап жатыр.
Посмотреть эту публикацию в Instagram