Алматы қалалық мәслихатының депутаты, танымал кәсіпкер Қайрат Құдайберген Instagram-дағы парақшасында өзіне қатысты қауесеттерге қарсы жауап қайтардыдеп хабарлады turkystan.kz.
Бұған дейін жазғанымыздай, ол Дубайда демалып жатқанын, өзін Бас прокуратура қаңтардағы митингілерге байланысты жауап алуға шақыртып жатқанын айтқан еді. Осыған байланысты біреулер кәсіпкерді БАӘ-ден экстрадициялады деген ақпарат таратқан.
«Барып тұрған сандырақ! Прокуратура мені куәгер ретінде шақырды. Ал ҰҚК Алматы прокуратурасы жауап алуға шақырған жағдайда, оларға қайта келудің қажеті жоқ екенін айтты», - деді Қайрат Құдайберген.
«Мен «Дикий Арманның» демеушісі әрі досы екенмін. Бұл енді сандырақтың ішіндегі сандырақ! Арман Жұмагелдиевпен мен митингілер кезінде алаңда алғаш көрістім. Демеушілік туралы сөз болуы мүмкін емес», – деді Қайрат Құдайберген.