الماتىدا جولعا تۇكىرگەن BMW جۇرگىزۋشىسى جازالاندى

بۇل تۋرالى الماتى قالالىق پوليتسيا دەپارتامەنتى باستىعىنىڭ تەرگەۋ جونىندەگى ورىنباسارى رۋستام ءابدىراحمانوۆ Facebook-تەگى پاراقشاسىندا مالىمدەدى دەپ جازدى turkystan.kz.

بۇعان دەيىن الەۋمەتتىك جەلىدە BMW جۇرگىزۋشىسىنىڭ باعدارشامعا توقتاعان كەزدە ەسىكتى اشىپ، جولعا قالاي تۇكىرگەنى تۇسىرىلگەن ۆيدەو جاريالانعان بولاتىن. ۆيدەو اۆتورى بۇل جۇرگىزۋشىنىڭ بىرنەشە رەت وسىلاي جاساعانىن ايتىپ، شاعىمدانعان.

«وسى جازبا Instagram الەۋمەتتىك جەلىسىندە 6 اقپاندا جاريالاندى. تەكسەرۋ پاترۋلدىك پوليتسيا پولكىنىڭ قىزمەتكەرلەرىنە تاپسىرىلدى. قۇقىق بۇزعان ەر ادام انىقتالىپ، اكىمشىلىك قۇقىقبۇزۋشىلىق جاساعانى ءۇشىن جاۋاپقا تارتىلدى»، – دەپ جازدى ول.

رۋستام ءابدىراحمانوۆ دەرەك اقبتك-ءنىڭ 620-بابى، 1-بولىگى («جول قوزعالىسىنا قاتىسۋشىلارعا قويىلاتىن وزگە دە تالاپتاردى بۇزۋ») بويىنشا قاراستىرىلعانىن ايتتى.

ۇقساس جاڭالىقتار

Back to top button