7 رەت ۆاكتسينا العان جيرينوۆسكيدىڭ قايتىس بولعانى تۋرالى اقپارات تارادى

رەسەي ليبەرالدى-دەموكراتيالىق پارتياسى پارتيا مۇشەلەرىنە ۆلاديمير جيرينوۆسكيدىڭ ءولىمى جايلى جالعان قوڭىراۋلار جونىندە تۇسىندىرمە جولدادى. مۇندا ساياساتكەردىڭ ءولىمى تۋرالى اقپاراتتىڭ جالعان جانە نەگىزسىز ەكەنى جازىلعان دەپ حابارلادى turkystan.kz ريا نوۆوستيگە سىلتەمە جاساپ.

مەملەكەتتىك دۋما دەپۋتاتى، رلدپ ورتالىق اپپاراتى باسشىسىنىڭ ورىنباسارى سەرگەي كارگينوۆتىڭ مالىمدەۋىنشە، جيرينوۆسكيدىڭ كوروناۆيرۋس جۇقتىرىپ، 2 اقپاندا اۋرۋحاعا تۇسكەنى راس. ونىڭ جاعدايى قالىپتى دەپ باعالانعان.

«ارانداتۋشىلىق بولدى. تۇندە حابارلاسىپ، ۆلاديمير ءۆولفوۆيچتىڭ ءولىمى تۋرالى ايتقان. ءبىز اقپاراتتىڭ جالعان جانە نەگىزسىز ەكەنىن تۇسىندىردىك»، – دەدى كارگينوۆ.

ساياساتكەردىڭ ايتۋىنشا، ادامدار داۋرىقپاي جانە ارانداتۋشىلارعا ەرمەۋى ءۇشىن تۇسىندىرمە جۇمىستارى جۇرگىزىلگەن.

باسىلىمنىڭ مالىمەتىنشە، ۆلاديمير جيرينوۆسكي كوروناۆيرۋسقا قارسى 7 رەت ۆاكتسينا العان، الايدا وكپەسى قابىنىپ اۋرۋحاناعا تۇسكەن. كەيبىر باق ونىڭ وكپەسى 50-75 پايىز قابىنعانىن جازىپ جاتىر.

ەسكە سالا كەتسەك، ۆلاديمير جيرينوۆسكي – 75 جاستا، الماتى قالاسىنىڭ تۋماسى. قازىر رەسەي مەملەكەتتىك دۋماسىنىڭ دەپۋتاتى.

ۇقساس جاڭالىقتار

Back to top button