«قانات يسلام ۇلكەن جەكپە-جەكتەر تۋرالى ويلامايدى دا» - شەتەلدىك ساراپشى

ورتا سالماقتاعى قازاقستاندىق بوكسشى قانات يسلام (28-0، 22 كو) كارەراسىنىڭ سوڭىندا بيىكتەن كورىنۋدى دامەتپەيدى دە. Vesti.kz تىلشىسىنە بەرگەن سۇحباتىندا WorldBoxingNews رەداكتورى فيل دجەي وسىنداي پىكىر ءبىلدىرگەن دەپ حابارلادى turkystan.kz.

قانات يسلام 21 قاڭتاردا اقش-تىڭ پلانت-سيتي قالاسىندا بريتانيالىق دجيمم كەلليمەن (25-2، 10 كو) جۇدىرىقتاسۋ كەرەك بولاتىن. الايدا Covid-19 وشاقتارىنىڭ كوبەيۋىنە بايلانىستى جەكپە-جەك 25 اقپانعا اۋىستىرىلدى.

«قانات يسلام ۇلكەن جەكپە-جەكتەر تۋرالى ويلامايدى دا. قازىر ونىڭ ماقساتى باسقا. جىلىنا ءبىر ايقاس وعان جەتكىلىكتى. ول ەندى ءوزىنىڭ پروموۋتەرلىك كومپانياسىن جارنامالاپ ءجۇر نەمەسە باسقا ماقساتى بار. ال چەمپيوندىق ايقاس تۋرالى ويلامايتىنى انىق. الداعى جەكپە-جەك ونىڭ كارەراسىنداعى سوڭعىلاردىڭ ءبىرى دەگەن ويدامىن. رينگتە تاعى ءبىر-ەكى رەت كورەتىن شىعارمىز، بىراق، ونىڭ ۋاقىتى كەلدى»، – دەيدى فيل دجەي.

ۇقساس جاڭالىقتار

Back to top button