«نلو-نى كورگەن قاسىمداعى 3 جىگىت قايتىس بولدى» - توقتار اۋباكىروۆ (ۆيدەو)

جۋرناليست امان تاسىعان جۇرگىزەتىن TalkLike ينتەرنەت شوۋىندا قازاقتان شىققان تۇڭعىش عارىشكەر، ۇشقىش، كەڭەس وداعىنىڭ باتىرى، قازاقستان رەسپۋبليكاسىنىڭ حالىق قاھارمانى، تەحنيكا عىلىمىنىڭ دوكتورى، پروفەسسور توقتار اۋباكىروۆپەن اشىق سۇقبات بولدى دەپ جازدى turkystan.kz.

اڭگىمە بارىسىندا توقتار اۋباكىروۆتىڭ عارىش تۋرالى عالامات ويلارى جانە ۇستانىمدارى ايتىلدى. سونىمەن قاتار، ساياسات، قوعام، وتباسى جايلى كوزقاراستارىن جەتكىزدى. ءبىر قىزىعى، وسى ورايدا، ول ءوزىنىڭ «ۇشقىش تارەلكە» كورگەنىن دە ايتتى. ول جونىندەگى اڭگىمەنىڭ رەتى مىناداي:

«- نلو-عا ءسىز سەنەسىز بە؟

– سەنەمىن.

– بار ما؟

– بار! مەن ءوز كوزىممەن كورگەم.

– قويىڭىز، اعا…

– ءيا. مەن دالادا جۇرگەنمىن. جاپ-جارىق جۇلدىزدى كوردىم. ساعات تاڭعى 6 كەزى بولدى. قىستىگۇنى سول «جۇلدىز» ايداپ ماعان كەلدى. جالعىز ءوزىم كورگەننەن كەيىن ونى بىرەۋگە ايتساڭ، ەرتەگى سياقتى. قاسىمدا 4 جىگىت بولعان. سونىڭ ۇشەۋىن وياتتىم. ۇشەۋى قارادى. بىزگە كەلدى (نلو)، سودان كەيىن تەز بۇرىلىپ كەتىپ قالدى».

سونداي-اق عارىشكەر كەيىن ءوزىنىڭ وسى جايتقا قاتىستى ءبىراز ويعا قالعانىن ايتتى. سەبەبى وزگە عالامشارلىقتاردىڭ ۇشاتىن تەحنيكاسىن كورگەننەن كەيىن، كوپ ۇزاماي، قاسىنداعى جاپ-جاس 3 ازامات قايتىس بولعان.

ۇقساس جاڭالىقتار

Back to top button