قارجى پيراميداسى بويىنشا كۇدىككە ىلىنگەن ۆاينەرگە ىزدەۋ جاريالاندى

پوليتسيا Mudarabah Capital پيراميداسىن قۇردى دەگەن كۇدىككە ىلىنگەن ۆاينەر ازيمجان سايدباەۆتى ىزدەستىرۋدە. بۇل تۋرالى الماتى قالاسىنىڭ پوليتسيا دەپارتامەنتى حابارلادى دەپ جازدى turkystan.kz.

«قر قك-ءنىڭ 2-تارماعى 3-بولىگىنىڭ 217-بابىندا («قارجىلىق «ينۆەستيتسيالىق» پيراميدانى قۇرۋ جانە وعان باسشىلىق ەتۋ») كوزدەلگەن قىلمىستى جاسادى دەگەن كۇدىك بويىنشا ءبىز قىرعىزستان رەسپۋبليكاسىنىڭ تۋماسى، 30.09.1986 جىلى تۋعان ازيمجان سايدباەۆتى ىزدەستىرۋدەمىز. بۇلتارتپاۋ شاراسى – كۇزەتپەن ۇستاۋ»، – دەلىنگەن حابارلامادا.

پوليتسەيلەر ىزدەۋدە جۇرگەن ادام تۋرالى قانداي دا ءبىر مالىمەت بولسا، +7 (701) 758 67 60، +7 (708) 683 94 33 جانە 8 (727) 254 43 51 تەلەفوندارىنا حابارلاۋدى سۇرايدى.

تەرگەۋشىلەردىڭ ايتۋىنشا، سايدباەۆ Mudarabah capital قارجى پيراميداسىن جارنامالاپ قانا قويماي، كومپانيانىڭ ورتاق يەسى رەتىندە تۇراقتى تۇردە تابىس الىپ وتىرعان.

تاعى وقي وتىرىڭىز: قارجى پيراميداسىن جارنامالاعان ۆاينەر مەيىرجان تورەباەۆ ۇستالدى

تاعى وقي وتىرىڭىز: «قارجى پيراميداسىن قۇردى» دەپ ايىپتالعان تانىمال ۆاينەر حالىققا ءۇن قاتتى

ۇقساس جاڭالىقتار

Back to top button