الماتىدا جۇرگىزۋشى ماس ادامدى ارىققا لاقتىرىپ جىبەردى (ۆيدەو)

الماتىلىق ازامات جولدىڭ ورتاسىندا تۇرىپ، كولىك جۇرگىزۋشىلەرىنە كەدەرگى كەلتىرگەن ماس ادامدى ارىققا لاقتىرىپ جىبەردى، دەپ حابارلادى turkystan.kz.

ماس جاياۋ جۇرگىنشى تۋرالى مالىمەت قالالىق پوليتسيا دەپارتامەنتىنە 8 اقپاندا ساعات 17:15-تە كەلىپ ءتۇستى. انىقتالعانداي، 28 جاستاعى الماتىلىق ورتاشا دارەجەدە ماس حالدە بولعان.

«اپاتتى جاعداي تۋعىزعانى ءۇشىن (اقبتك-ءنىڭ 615-بابى) جانە قوعامدىق ورىندا ماس كۇيىندە جۇرگەنى ءۇشىن (اقبتك-ءنىڭ 440-بابى) پ. دەگەن ازامات اكىمشىلىك جاۋاپكەرشىلىككە تارتىلدى. سونىمەن قاتار، ەر ادامدى تاس جولدان كوتەرىپ الىپ، ارىققا لاقتىرعان شەتەلدىك كولىك جۇرگىزۋشىسىنىڭ جەكە باسى انىقتالىپ جاتىر. ونىڭ ءىس-ارەكەتتەرىنە قۇقىقتىق باعا بەرىلەدى. ايتا كەتەيىك، زارداپ شەككەن ازامات مەديتسينالىق كومەككە جۇگىنگەن جوق»، – دەدى بوستاندىق اۋداندىق پوليتسيا باسقارماسىنىڭ باستىعى، پوليتسيا پولكوۆنيگى دۋمان اۋحاديەۆ.

ۇقساس جاڭالىقتار

Back to top button