تۇرمە باستىعى الماتىداعى «ازاپتاۋعا ارنالعان جەرتولەلەر» تۋرالى ايتتى

الەۋمەتتىك جەلىلەردە «الماتىداعى لا-155/18 تەرگەۋ يزولياتورى عيماراتىنداعى جەرتولەدە ۇستالعاندارعا قارسى زاڭسىز ارەكەتتەر جاسالادى» دەگەن جالعان اقپارات تاراپ جاتىر دەپ حابارلادى turkystan.kz Polisia.kz-كە سىلتەمە جاساپ.

بۇدان بولەك، الماتى قالاسى بويىنشا قاجد «لا-155/18 مەكەمەسى» باستىعىنىڭ دەرەكتەرى كورسەتىلگەن.

«قاج مەكەمەسى اۋماعىندا ەكى قاباتتى اكىمشىلىك عيمارات جانە 4-5 قاباتتى 6 رەجيمدى كورپۋس، سونداي-اق، 230 كامەرا ورنالاسقان. بۇل كورپۋستاردا كوممۋنيكاتسيالىق جۇيەلەر مەن جىلىتۋ توراپتارىنا ارنالعان جارتىلاي جەرتولە بار. وعان كورپۋستاردىڭ سىرتقى جاعىنان كىرەدى. مەكەمەگە تۇسكەندەردى كورپۋستىڭ ءبىرىنشى قاباتىنا اكەلەدى. ۋۇي-عا كەلگەندەردى مەديتسينالىق قىزمەتكەرلەر، سونداي-اق، مەكەمەنىڭ كەزەكشى اۋىسىمى قابىلدايدى. ءبارى ۆيدەوعا ءتۇسىپ تۇرادى. سونىمەن قاتار، مەكەمەگە پروكۋراتۋرا ورگاندارىنىڭ وكىلدەرى، ادام قۇقىقتارى جونىندەگى ۋاكىل، قوعامدىق باقىلاۋ ۇيىمىنىڭ قاتىسۋشىلارى ۋاقتىلى بارىپ تۇرادى. قىلمىستىق-اتقارۋ جۇيەسىنىڭ قىزمەتى ادامنىڭ قادىر-قاسيەتىن، ءومىرى مەن دەنساۋلىعىن، سوتتالعانداردىڭ جانە وزگە دە ادامداردىڭ كونستيتۋتسيالىق قۇقىعى مەن بوستاندىعىن قورعاۋعا باعىتتالعان. بۇل ءۇشىن زاڭنامادا سوتتالعانداردى قوعامعا قوسۋ، جازانى وتەۋ جانە وزگە دە قىلمىستىق-قۇقىقتىق شارالاردى ورىنداۋ كەزىندە ادام قۇقىقتارىن قورعاۋ، جەكە ادامنىڭ، قوعام مەن مەملەكەتتىڭ قاۋىپسىزدىگىن قامتاماسىز ەتۋ، جازانى وتەگەن كەزدە قىلمىس جاساۋدىڭ الدىن الۋ ءۇشىن جاعداي جاسالادى»، – دەلىنگەن حابارلامادا.

ايتا كەتەيىك، جالعان اقپارات تاراتۋعا قاتىستى قر قىلمىستىق كودەكسىنىڭ 274-بابى بويىنشا قىلمىستىق جاۋاپكەرشىلىك كوزدەلگەن.

ۇقساس جاڭالىقتار

Back to top button