ماينەرلەرگە تىقىر تاياندى

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ماينينگ ماسەلەسى جايلى پىكىر ءبىلدىردى، دەپ حابارلادى turkystan.kz.

«سوڭعى ۋاقىتتا اقپاراتتىق كەڭىستىكتە ماينينگ ماسەلەسى ءجيى تالقىلانىپ جاتىر. ءبىزدىڭ ەنەرگوجۇيەگە «سۇر ماينەرلەر» زاردابى تيۋدە. قازىر زاڭسىز ماينينگتىڭ ەنەرگوشىعىنى 1 گيگاۆاتتان (گۆت) اسادى ەكەن. بۇل ورايدا، قالىپتاسقان «سۇر» نارىقتىڭ ەنەرگوجۇيەگە ءتۇسىرىپ جاتقان اۋىرتپالىعى مەن زيانىن ءدال باعامداۋ وڭاي ەمەس» دەپ جازدى مينيستر الەۋمەتتىك جەلىدە.

ونىڭ ويىنشا، بۇل كاسىپكە دە سالىق سالىنۋى ءتيىس.

«سۇر ماينينگ» – ەكونوميكالىق قىلمىس، سالىق تولەۋدەن جالتارۋ! ال قىلمىس جاساعاندار جاۋاپقا تارتىلۋى ءتيىس. ەگەر سىزدەردە «سۇر ماينەرلەردىڭ» لوكاتسياسى تۋرالى اقپارات بولسا، مىنا ەلەكتروندىق مەكەنجايلارعا حابارلاما جىبەرۋلەرىڭىزدى (جاسىرىن تۇردە حابارلاۋعا بولادى) سۇرايمىز:
b.galimzhan@mdai.gov.kz
e.smailov@mdai.gov.kz
a.ibraev@mdai.gov.kz
كورسەتىلگەن لوكاتسيالار بويىنشا تەكسەرۋلەر جۇرگىزىلىپ، ءتيىستى شەشىمدەر قابىلدانادى. سونداي-اق كولەڭكەلى تۇستان شىعىپ، زاڭدى ماينەرگە اينالۋدى قالاعان كىسىلەرگە ارىپتەستەرىم كاسىبي كەڭەس بەرە الادى»، – دەدى باعدات باتىربەك ۇلى.

وسىلايشا، ەنەرگوجۇيەگە زيان كەلتىرىپ، زاڭ بۇزىپ جاتقاندارمەن كۇرەسۋگە شاقىردى.

ۇقساس جاڭالىقتار

Back to top button