Қытай ғалымдары «омикронға» қарсы антиденені синтездеп шығарды

Фудан университетінің ғалымдары «омикрон» штамын және коронавирус инфекциясының басқа мутацияларын бейтараптандыратын антиденелердің жаңа түрін синтездеді, деп жазды turkystan.kz South China Morning Post-қа сілтеме жасап.

Басылым мәліметінше, антиденелер адамның иммундық жүйесінен шығатын басқа екі антидене компоненттерінен синтезделген. Зерттеу мақсаты – басқа жұқпалы аурумен күресу жолдарын іздеу болған, бірақ сынақ нәтижесінде жасалған антиденелер «омикрон» штамына төтеп бере алатынын көрсеткен.

Қытайлық зерттеу тобы және Гуанчжоудағы ұлттық тыныс алу аурулары клиникалық зерттеу орталығының мамандары жаңа әдісті қолдана отырып, қысқа уақыт ішінде әртүрлі 8 антидене жасады.

Университеттің жетекші ғылыми қызметкері Хуан Цзинхенің айтуынша, дәл осындай антиденелер болашақта пайда болатын коронавирус мутацияларына қарсы тиімді құрал болады.

«Әлемде омикрон штамын жоятын антиденелер өте аз. Құдайдың рақымы түскендей сезінемін. Бұл антиденелердің сегізі омикрон және вирустың басқа түрлеріне әсер етуі мүмкін. Сәтсіз сынақтардан кейін ғалымдар 10 жасанды антидене алды, олардың мөлшері табиғи шыққан антидененің мөлшерінен 10 пайызға артық. Компоненттер түрлі табиғи антиденелерге жататынына қарамастан, жою процесінде бірлескен рөл атқарады», – деп мойындады ол.

Биспецификалы антиденелер дельта, SARS-CoV-2 және басқа да коронавирус штамдарын бейтараптандыруы мүмкін. Зерттеушілердің пікірінше, сынақ нәтижелері жаңа антиденелердің болашақта жаңа мутациялармен күресуде әлеуеті жоғары болады деп күтілуде.

Ұқсас жаңалықтар

Back to top button